ნაპოლის პირველი ვარიანტი | პარტენოპეი ლუის ენრიკეს დანიშვნაზე მუშაობს
„ნაპოლი“ ლუჩანო სპალეტის შემცვლელს ეძებს. იწერებოდა, რომ მთავარი ფავორიტი „ფიორენტინას“ თავკაცი, ვინჩენცო იტალიანო გახლდათ, მაგრამ ბოლო საათებში, მისი კანდიდატურა გამოირიცხა და რუდი გალეტიმ აურელიო დე ლაურენტისის ამჟამინდელ მიზნებზე დაწერა.
ცნობილი ჟურნალისტის მიხედვით, „ნაპოლი“ ესპანელი სპეციალისტის, ლუის ენრიკეს დანიშვნაზე მუშაობს და იგი „პარტენოპეის“ მთავარი სამიზნეა. მოსალოდნელია, რომ უახლოეს დღეებში, მხარეებს შორის ახალი კონტაქტი დამყარდება და მოლაპარაკებები გაიმართება
????????️ #Napoli are still working to appoint Luis Enrique as new manager.
— Rudy Galetti (@RudyGaletti) June 9, 2023
???? The ???????? coach remains their first choice: new contact expected in the next days.
‼️ #Italiano has never received offers from the Champions of ???????? and is about to continue his work at #Fiorentina.????⚽ https://t.co/Sz7bSjUdLt pic.twitter.com/5gsA8HBjDI
გალეტის მიხედვით, იტალიანოს „ნაპოლისგან“ წინადადება არ მიუღია. ამ ინფორმაციას იტალიური გამოცემები, Corriere dello Sport-ი და Gazzetta dello Sport-იც ადასტურებენ და გვარწმუნებენ, რომ ვინჩენცო „ფიორენტინაში“ რჩება.
როგორც მოგეხსენებათ, რამდენიმე დღის წინ, იტალიელი ჟურნალისტის, ალფრედო პედულას ინფორმაცია გავრცელდა, რომლის მიხედვითაც, დე ლაურენტისმა ენრიკეს წინადადებით მიმართა. „ნაპოლის“ პირველმა პირმა ენრიკეს ხელფასის სახით, სეზონში, 8 მილიონი ევრო შესთავაზა, რასაც შესაძლოა, 2 მილიონის ოდენობის ბონუსები დაემატოს. 53 წლის ესპანელს ფინანსური მხარე დიდად არ აინტერესებს, თორემ „ჩელსის“ ჩაიბარებდა და მისთვის მთავარი საფეხბურთო პროექტია.
