ბათუმის სტადიონმა FIABCI-ის კონგრესზე ოსკარი მოიგო
ბათუმის სტადიონმა მაიამიში გამართულ FIABCI-ს მსოფლიოს კონგრესზე უძრავი ქონების ოსკარი მოიგო. ინფორმაციას ბათუმის „დინამოს“ Facebook-ის გვერდი ავრცელებს.
FIABCI-ის ოსკარად წოდებულ უძრავი ქონების მსოფლიო დაჯილდოებაზე ბათუმის სტადიონი საუკეთესო საჯარო ინფრასტრუქტურის ნომინაციაზე წარადგინეს და გამარჯვებულად გამოავლინეს.
აჭარის ავტონომიური რესპუბლიკის მთავრობის თავმჯდომარემ, თორნიკე რიჟვაძემ Facebook-ში დაწერა: „ბათუმის სტადიონმა, ქალაქ მაიამიში გამართულ FIABCI-ის მსოფლიო კონგრესზე, უძრავი ქონების ოსკარი მოიპოვა. ყველას გილოცავთ ამ მნიშვნელოვან აღიარებას! წინ არაერთი გამარჯვება გველის!“.
