გველესიანის წარმატება | მისი პერსეპოლისი ჩემპიონი გახდა
ქართველი ფეხბურთელის, გიორგი გველესიანის „პერსეპოლისი“ სპარსეთის ყურის პრო ლიგის ჩემპიონი გახდა. ბოლო ტურში, გველესიანის გუნდი სტუმრად „ნასაჯი მაზანდარანს“ დაუპირისპირდა და ტიტული ბრწყინვალე გამარჯვებით გაინაღდა.
„პერსეპოლისმა“ მეტოქეს შანსი არ დაუტოვა და 4:0 იმარჯვა. შეხვედრაში ანგარიში ალი ნემატიმ გახსნა, რომელმაც მე-3 წუთზე გაიტანა. 28-ე წუთზე, საეიდ სადეღიმ საკუთარი გუნდის უპირატესობა 2-ბურთიანი გახადა. 75-ე წუთზე, სორუშ რაფიელმა თავი გამოიჩინა, ხოლო 3 წუთში სარიეკმა შეაგდო და საბოლოო ანგარიში დააფიქსირა - 4:0.
???????? پرسپولیس بر بام فوتبال ایران pic.twitter.com/l8hAsM7gL9
— Persepolis (@PersepolisFC) May 18, 2023
ქართველმა ფეხბურთელმა მატჩი სრულად ჩაატარა და 87-ე წუთზე, ყვითელი ბარათი მიიღო. გიორგიმ სპარსეთის ყურის პრო ლიგის სეზონის 30 შეხვედრიდან მონაწილეობა 29-ში მიიღო და მის ანგარიშზე 6 გოლია, 3-ჯერ კი სათასო დაპირისპირებაში გამოირჩა. „პერსეპოლისმა" ჩემპიონობა 66 ქულით მოიპოვა და მეორეადგილოსან „სეპაჰანს" 1 ქულით გაუსწრო.
