სეზონის საუკეთესო ლიგა 2-ში? მიქაუტაძე პრესტიჟულ ჯილდოზე წარადგინეს
საფრანგეთის პროფესიონალ ფეხბურთელთა კავშირმა მიქაუტაძე ლიგა 2-ის სეზონის ხუთ საუკეთესო ფეხბურთელში შეიყვანა, რაც უკვე დიდი აღიარებაა, თუმცა შესაძლოა, ქართველი თავდამსხმელი პრესტიჟული ჯილდოს მფლობელი გახდეს.
აღნიშნული ორგანიაცია სეზონის საუკეთესო ფეხბურთელს ლიგა 1-შიც ავლენს, ეს ჯილდო კილიან მბაპემ სამჯერ მოიგო. რაც შეეხება ლიგა 2-ს, 2010 წელს საუკეთესოდ ოლივიე ჟირუ დასახელდა. 2021 წელს ეს ჯილდო ამინე ადლიმ მიიღო, რომელიც ამჟამად ლევერკუზენის „ბაიერში“ თამაშობს.
გიორგი მიქაუტაძე ბრწყინვალე სეზონს ატარებს, ლიგა 2-ის 34 მატჩში 22 გოლი შეაგდო და 8 საგოლე პასი შეასრულა. ასევე, საფრანგეთის თასის ორ მატჩში მის აქტივში 1 გოლი და 1 საგოლე გადაცემაა.
მიქაუტაძე ლიგა 2-ის ბომბარდირთა დავას ლიდერობს, მეორეადგილოსანს 5 გოლით უსწრებს. საგოლე პასების რაოდენობით მხოლოდ ჟან-ფილიპე კრასოს ჩამორჩება, რომელმაც 9 საგოლე პასი შეასრულა, მიქაუტაძეს 1 საგოლე პასით უსწრებს.
Crochets, panenka, passements de jambes, lobs...
— UNFP (@UNFP) May 16, 2023
Ces artistes en ont fait voir de toutes les couleurs à leurs adversaires ????
Nommés pour le Trophée UNFP du Meilleur Joueur de @Ligue2BKT :
J-P KRASSO, J.MAJA, N.NKOUNKOU, G.MIKAUTADZE, V.LEKHAL ???????????? #TropheesUNFP pic.twitter.com/C70Hsnq5hF
საქართველოს ეროვნული ნაკრების 22 წლის ფორვარდს ფრანგულ კლუბთან კონტრაქტი 2026 წლის ივნისამდე აკავშირებს. მის მიმართ ინტერესს იტალიური კლუბები და ინგლისური „ბარნლი“ იჩენენ.
