შეხვედრა შედგა, ერთმანეთს პირობები გააცნეს - რა სურს სპალეტის?

ლუჩანო სპალეტისა და აურელიო დე ლაურენტისს შორის შეხვედრა როგორც იქნა შედგა. ახლა იტალიურ პრესას სასაუბრო და განსახილველი აქვს ის, თუ რამდენად ნაყოფიერი იყო ეს შეხვედრა და რა შედეგები მოჰყვება მას.

Gazzetta dello Sport-ი წერს, რომ 12 მაისს საღამოს, სპალეტი და დე ლაურენტისი ერთმანეთს შეხვდნენ, რის შემდეგაც ხელშეკრულების 2025 წლამდე გახანგრძლივება რეალური გახდა.

სპალეტის ანაზღაურების გაზრდა და გუნდის ძირითადი ბირთვის შენარჩუნება სურს, ასევე მისი გაძლიერებაც, რათა მომავალი პროექტი მყარი იყოს.

ლუჩანო ამჟამად წლიურად 2.8 მილიონ ევროს იღებს. მას ანაზღაურების გაზრდა თითქმის 1 მილიონი ევროთი სურს. საუბარია წლიურ 3-დან 4 მილიონამდე. მწვრთნელი თვლის, რომ მან ეს დაიმსახურა.

„გუშინ პრეზიდენტთან პოზიტიური შეხვედრა მქონდა. მომავალი ამაღელვებელი იქნება. ამის მჯერა". -

განაცხადა სპალეტიმ დე ლაურენტისთან საუბრის შემდეგ.

დე ლაურენტისი გეგმავს, რომ სპალეტის საბონუსე სისტემა შესთავაზოს, რომელიც საკმაოდ მიმზიდველი იქნება, მაგრამ ის დამოკიდებული გუნდის მიერ ნაჩვენებ შედეგებზე იქნება. პრეზიდენტს ასე პირდაპირ მისთვის ანაზღაურების გაზრდა არ უნდა.

რაც შეეხება შემადგენლობას, თუ კიმის შემთხვევაში კონტრაქტში არსებული პუნქტის მიხედვით შესაძლოა „ნაპოლიმ“ ის დაკარგოს, სპალეტის სხვა ლიდერების გაშვება არ სურს.

Gazzetta dello Sport-ი წერს, რომ მხარეები ამ ეტაპზე შეხვედრის დეტალებს არ გაამხელენ და ამას სეზონის დასრულების შემდეგ, ივნისის დასაწყისში გააკეთებენ, როცა უკვე ყველა დეტალი საბოლოოდ იქნება დაზუსტებული.