„მეფის გვირგვინი ოსიმენმა მიიღო“ - ნიგერიის პირველი პირი სერია A-ს პოსტზე
„ნაპოლის“ გაჩემპიონების შემდეგ, სერია A-ს „ტვიტერის“ ოფიციალურმა გვერდმა „პარტენოპეის“ ტრიუმფს პოსტი მიუძღვნა. სერია A-მ ფოტო გამოაქვეყნა, რომელზეც ვხედავთ, ლეგენდარული დიეგო მარადონა ხვიჩა კვარაცხელიას გვირგვინს როგორ ადგამს.
A new king is crowned in Napoli ???? #NAPOLISCUDETTO pic.twitter.com/C7Ktx8ECBK
— Lega Serie A (@SerieA_EN) May 6, 2023
აღნიშნულმა პოსტმა ნიგერიელი გულშემატკივრების უკმაყოფილება გამოიწვია. მათი თქმით, რასიზმის ბრალია, ვიქტორ ოსიმენის ნაცვლად, ფოტოზე „კვარა“ რომაა გამოსახული. სერია A-ს პოსტს ნიგერიის პრეზიდენტი, ბოლა აჰმედ ტინუბუ გამოეხმაურა და ოსიმენზე ისაუბრა.
„ვფიქრობ, ყველა ვთანხმდებით, რომ იტალიაში სხვა კორონაციაც გაიმართა და ჩვენმა შვილმა, ვიქტორ ოსიმენმა სერია A-ს ახალი მეფის გვირგვინი მიიღო. ვიქტორი მსოფლიო სცენაზე ნიგერიის საფეხბურთო ბრწყინვალების ლამაზ ტრადიციას განაგრძობს. მისით ყველანი ვამაყობთ და ისედაც შესანიშნავ კარიერაში წარმატებას ვუსურვებთ“.
I think we can all agree that there was another coronation in Italy where our son, Victor Osimhen, claimed the crown as the new King of Serie A! The real deal, or idán gangan as younger folks may describe him; Victor has continued the fine tradition of Nigeria’s footballing… pic.twitter.com/wWGxmpaEHG
— Bola Ahmed Tinubu (@officialABAT) May 7, 2023
შეგახსენებთ, რომ „კვარას“ სერია A-ს მიმდინარე სეზონში 12 გოლი და 10 საგოლე გადაცემა აქვს გაფორმებული. ოსიმენს რაც შეეხება, მის ანგარიშზე 23 გოლი და 5 შედეგიანი გადაცემაა. ნიგერიელმა ქომაგებმა პრემიერ ლიგის მაგალითიც მოიყვანეს, სადაც მთელი აქცენტი 35 გოლის მქონე ერლინგ ჰოლანდზე კეთდება და არა კევინ დე ბრუინზე, რომელსაც 16 ასისტი აქვს.
