ზედიზედ მეორედ - მიქაუტაძე და დავითაშვილი ლიგა 2-ის ტურის სიმბოლურში
საფრანგეთის ლიგა 2-ის 33-ე ტურში ქართველმა ლეგიონერებმა ზურიკო დავითაშვილმა და გიორგი მიქაუტაძემ კვლავ მაღალ დონეზე ითამაშეს, რაც კიდევ ერთხელ დაუფასდათ და ტურის სიმბოლურ გუნდში ზედიზედ მეორედ მოხვდნენ.
Un équipe ultra-offensive avec 7 buts inscrits ce week-end ????????#11TypeFans | #Ligue2BKT pic.twitter.com/Yu68iYtntA
— Ligue 2 BKT (@Ligue2BKT) May 3, 2023
დავითაშვილის „ბორდომ“ „ვალანსიენს“ 2:0 მოუგო. ზურიკოს არ გაუტანია, მაგრამ მოედანზე აქტიური და ერთ-ერთი საუკეთესო იყო.
რაც შეეხება მიქაუტაძის „მეცს“, ისინი „პარიზს“ დაუზავდნენ (1:1). ქართველმა ფორვარდმა გატანა ამჯერადაც შეძლო და ეს პენალტის ნიშნულიდან გააკეთა.
ლიგა 2-ს „ლე ავრი“ 68 ქულით ლიდერობს, ზურიკო დავითაშვილის „ბორდოს“ ანგარიშზე 62 ქულაა, მესამე პოზიციას 59 ქულით „მეცი“ იკავებს. ელიტაში საუკეთესო 2 გუნდი აღზევდება. 34-ე ტურში „ბორდო“ „კაენს“ მიიღებს (6 მაისი), „მეცი“ „ნიორს“ ესტუმრება (6 მაისი).
