პელე ლექსიკონში შეიტანეს - ამიერიდან მას ასეთი განმარტება ექნება
ფეხბურთის მეფის პელეს სახელი პორტუგალიურ ლექსიკონში ოფიციალურად შეიტანეს. ინფორმაციას ბრიტანული Reuters-ი ავრცელებს.
წყაროს ცნობით, ლეგენდარული ბრაზილიელი ფეხბურთელის სახელი შეტანილია პორტუგალიური ენის ცნობილი ლექსიკონის Michaelis ახალ ვერსიაში. ლექსიკონის ახალი ჩანაწერი ოფიციალურად ოთხშაბათს ამოქმედდა.
„პელე“ ამიერიდან აღნიშნავს - საუკეთესოს, გამორჩეულს, უნიკალურს.
ლექსიკონში ამიერიდან ასე იქნება აღნიშნული: „ყველა დროის უდიდეს სპორტსმენად მიჩნეული ედსონ არანტეს დო ნასიმენტოს (1940–2022) მეტსახელი „პელე“ - განსაკუთრებული, შეუდარებელი, უნიკალური.
მაგალითები: „ის არის კალათბურთის პელე; ის არის ჩოგბურთის პელე, ის არის ბრაზილიური დრამატურგიის პელე, ის არის მედიცინის პელე“.
შეგახსენებთ, რომ პელე 2022 წლის 29 დეკემბერს 82 წლის ასაკში გარდაიცვალა.
A Brazilian dictionary has added "Pelé" as an adjective to use when describing someone who is “exceptional, incomparable or unique.” ???????????? pic.twitter.com/aDhXihKwRR
— ESPN FC (@ESPNFC) April 27, 2023
