ორივე გუნდში საუკეთესო შედეგი ჰქონდა - შერმადინმა ბადალონასთან გაიბრწყინა
ესპანეთის ACB ლიგის მორიგ ტურში ლენოვო „ტენერიფემ“ „ბადალონას“ უმასპინძლა და დიდი ანგარიშით 85:68 დაამარცხა. ამ გამარჯვებაში კი ყველაზე დიდი წვლილი გიორგი შერმადინმა შეიტანა.
El #LenovoTenerife se hace fuerte en casa
— Lenovo Tenerife (@CB1939Canarias) March 11, 2023
¡Triunfo y average ante un rival directo!
???????? #VamosCanarias #LenovoTenerife #ContigoTieneSentido pic.twitter.com/IJQdoB7m7i
როგორც ყოველთვის, ქართველი კალათბურთელი სასტარტო ხუთეულში მოგვევლინა. შერმადინმა პარკეტზე 24 წუთი და 17 წამი დაყო. ამ პერიოდის განმავლობაში მან 19 ქულა და 7 მოხსნა დააგროვა. ეს შედეგი კი ორივე გუნდის შემადგენლობაში საუკეთესო იყო.
გიორგიმ შვიდი 2-ქულიანი ისროლა და აქედან ზუსტი 5 აღმოჩნდა. დანარჩენი 9 ქულა კი საჯარიმო სროლით დააგროვა. შერმადინმა სამი პერსონალური ფოლი მიიღო. 7 მოხსნიდან 4 საკუთარ ფარზე განახორციელა, ხოლო 3 მეტოქის.
ცნობისთვის, ამ გამარჯვების შემდეგ, ვიდორეტას გუნდს 30 ქულა დაუგროვდა და სატურნირო ცხრილში მეოთხე პოზიციაზე იმყოფება. „ტენერიფეზე“ წინ „ბასკონია“, „ბარსელონა“ და „რეალი“ არიან.
„ტენერიფე“ შემდეგ ტურში სტუმრად „ობრადოიროს“ დაუპირისპირდება. აღნიშნული მატჩი 18 მარტით თარიღდება და თბილისის დროით 21:00-დან დაიწყება.
მატჩის დაწყებამდე კი საინტერესო ფაქტი დაფიქსირდა. მოგეხსენებათ, გიორგი იანვრის თვის საუკეთესო მოთამაშედ დასახელდა, რაც ესპანური კალათბურთის ისტორიაში რეკორდია. აქამდე ეს მიღწევა ტანოკა ბირდის ეკუთვნოდა(10), ხოლო შერმადინი მეთერთმეტედ დასახელდა საუკეთესოდ. ვეტერან ქართველს ჯილდო თვით კარმელო კაბრერამ გადასცა.
???? Un #MVPMovistar de ????????????
— Liga Endesa (@ACBCOM) March 11, 2023
Gio Shermadini recibe un trofeo único tras ser el MVP @movistar_es de enero y batir el RÉCORD HISTÓRICO con ???????? MVP del mes superando a Tanoka Beard.
Y lo recibe de la mano de una leyenda de nuestro baloncesto, Carmelo Cabrera.@gioshermadini ???? pic.twitter.com/BHFgrAXW4C
