კლოპი: ზაფხულში რაღაც უნდა შევცვალოთ, ჩვენ ფულს ასე უბრალოდ არ ვყრით

იურგენ კლოპმა გუნდში არსებულ მძიმე მდგომარეობაზე ისაუბრა და აღნიშნა, რომ ზაფხულში გუნდს ტრანსფერები დასჭირდება.

„ვიცით, რომ რაღაც უნდა გავაუმჯობესოთ და შევცვალოთ და ამას გავაკეთებთ. ახლა ამის გაკეთება არ შეგვიძლია, მაგრამ უკვე ნათელია, რომ ზაფხულში რაღაც უნდა გავაკეთოთ.

ეს კლუბი იმართება ისე, რომ ფულს უბრალოდ არ ყრიან. ჩვენი ტრანსფერები ყოველთვის წარმატებული უნდა იყოს. ეს ნამდვილად ართულებს საქმეს. ჩვენ ვერ განვახორციელებთ ოთხ ტრანსფერს, სანამ არ გავიგებთ, ვინ ტოვებს კლუბს და მსგავსი რამ.

გასული სეზონი დიდი ცვლილებებისთვის შესაფერისი არ იყო. ბოლო მომენტამდე ვითამაშეთ. ჩვენ არ შეგვიძლია უბრალოდ შევიძინოთ მოთამაშეები და შემდეგ მივხვდეთ, რომ წასვლა არავის სურს. ეს ასე არ მუშაობს.

გასულ სეზონში ჩემპიონატში ბოლომდე ვიბრძოდით, ჩემპიონთა ლიგის ფინალში ვითამაშეთ, შემდეგ მცირე შესვენება გვქონდა, შემდეგ ბევრი ტრავმა და შემდეგ მსოფლიო ჩემპიონატი.

ჩვენ უნდა დავგეგმოთ ჩვენი მიზნები იმის მიხედვით, თუ როგორ იმართება ეს კლუბი. ცხადია, ეს სხვა კლუბებისგან განვსხვავდებით. ჯერჯერობით ეს აქამდე მუშაობდა. უნდა ვნახოთ კვლავ იმუშავებს, თუ ადაპტაცია მოგვიწევს“,

- განმარტა გერმანელმა.