ტრაგედია თურქეთში: მიწისძვრას ფეხბურთელი ემსხვერპლა
თურქული მედიის ინფორმაციით, „იენი მალათიასპორის“ მეკარე აჰმეტ იუპ ტიურკასლანი მიწისძვრას ემსხვერპლა, ნანგრევებში მოყვა და მაშველებმა ვერ გადაარჩინეს. 28 წლის ფეხბურთელის ძებნა დაახლოებით 24 საათი მიმდინარეობდა.
Yılmaz Vural, yaşanan depremde Ahmet Eyüp Türkaslan'ın hayatını kaybettiğini açıkladı.
— De Marke Sports (@demarkesports) February 7, 2023
Türkaslan'a Allah'tan rahmet; kederli ailesine, sevenlerine ve Yeni Malatyaspor camiasına başsağlığı dileriz.
მეკარემ კარიერის დიდი ნაწილი თურქეთის რანგით მეორე და მესამე ლიგაში გაატარა. თურქეთის სუპერლიგაში მხოლოდ 4 მატჩი ჩაატარა. 2021 წელს „იენი მალათიასპორში“ გადავიდა, პირველ სეზონში მისი გუნდი სუპერლიგაში თამაშობდა, შემდეგ კი რანგით მეორე ლიგაში დაქვეითდა.
„ჰატაისპორის“ ქართველი ფეხბურთელი საბა ლობჟანიძე თავს კარგად გრძნობს. ასევე, კარგადაა „ანკარას“ ქართველი შემტევი გიორგი ბერიძე. მათთან მშვიდობაა. „ჰათაისფორის“ ფეხბურთელი ბურაქ ოკსიუზი და კელი მალიჩი ნანგრევებიდან ამოიყვანეს. გარდა ამისა, მაშველებმა „ჰატაისპორის“ კიდევ ორი ფეხბურთელი გაიყვანეს სამშვიდობოს.
ლონდონის „ჩელსის“ ყოფილი ფეხბურთელი კრისტიან ატსუ, რომელიც „ჰატაისპორში“ თამაშობს, თურქეთში მომხდარი მიწისძვრისას ნანგრევებში მოყვა. სპორტსმენი ნანგრევებიდან ამოიყვანეს და დაუყოვნებლივ საავადმყოფოში გადაიყვანეს. მას უამრავი ტრავმა აღენიშნებოდა და სუნთქვა უჭირდა.
შეგახსენებთ, რომ დღეს, თურქეთში 7,7 მაგნიტუდის მიწისძვრა მოხდა, რომელსაც ამ ეტაპზე არსებული ინფორმაციით 2600-ზე მეტი ადამიანის სიცოცხლე ემსხვერპლა. გარდა ამისა, 5 385 ადამიანი დაშავდა.
