მასტერ ლიგა | კრისტალბეთ-კრწანისის დასანანი მარცხი

Master League-ს 2022 წლის სეზონი დასკვნით ფაზაში შედის. დღეს, „კაჭრეთის ამბასადორის“ საფეხბურთო მოედანზე მესამე ადგილისთვის მატჩი გაიმართა, რომელშიც „კრისტალბეთ-კრწანისი“ „ანაგის“ შეხვდა და დაძაბულ ბრძოლაში მინიმალური სხვაობით, 1:2 დამარცხდა.

სამივე გოლი შეხვედრის მეორე ნახევარში გავიდა. ტაიმის დებიუტში კრისტალბეთ-კრწანისი ერეკლე ხვისტანის გოლით დაწინაურდა, რომელმაც მეტოქის საჯარიმოში შექმნილი არეულობით ისარგებლა. „ანაგიმ“ წონასწორობა მატჩის 26-ე წუთზე აღადგინა, გოლის ავტორი გიორგი ლუკავა გახდა, ზუსტად 5 წუთში კი თორნიკე ბახტაძემ „კრისტალბეთ-კრწანისის“ კარში მეორე ბურთი გაიტანა და საბოლოო ანგარიში დააფიქსირა.

შესაბამისად, „მასტერ ლიგის“ 2022 წლის სეზონის მესამეადგილოსანი „ანაგი“ გახდა, „კრისტალბეთ-კრწანისი“ კი მესამე ადგილს დასჯერდა.

ცნობისთვის, „კრისტალბეთ-კრწანისი“ ტურნირის ნახევარფინალში თბილისის მერიის გუნდთან 2:0 დამარცხდა, „ანაგიმ“ კი ფინალში გასასვლელი შეხვედრა კავკასიის ავტოიმპორტის გუნდთან პენალტების სერიაში დათმო.

თბილისის მერიასა და კავკასიის ავტოიმპორტის გუნდებს შორის ფინალური მატჩი ამ წუთებში მიმდინარეობს.