ქართველებს მცირე დრო მიეცათ - მილუოკიმ მოიგო, ინდიანამ წააგო
NBA-ში მორიგი ტურის მატჩები ჩაატარეს ქართველი კალათბურთელების გუნდებმა. გოგა ბითაძის „ინდიანა პეისერსი“ სტუმრად „მინესოტა ტიმბერვულვზსს“ დაუპირისპირდა და დაძაბულ ბრძოლაში 6 ქულის სხვაობით, 115:121 დამარცხდა.
სამწუხაროდ, ქართველ კალათბურთელს ძალიან ცოტა სათამაშო დრო მიეცა. გოგა ბითაძე მთავარმა მწვრთნელმა მეორე მეოთხედის დასვკნით ორ წუთში ათამაშა. საერთო ჯამში გოგამ პარკეტზე 2 წუთი და 13 წამი გაატარა, ამ დროის განმავლობაში კი მხოლოდ 1 ასისტის შესრულება მოასწრო.
Beginning of dialog window. Escape will cancel and close the window.
End of dialog window.
რაც შეეხება სანდრო მამუკელაშვილს, გოგას მსგავსად, მასაც მცირე სათამაშო დრო მიეცა, ამ შემთხვევაში უფრო ნაკლებიც. მამუს გუნდი საკუთარ მოედანზე „საკრამენტო კინგსს“ დაუპირისპირდა და 13 ქულის სხვაობით, 126:113 დაამარცხა.
მამუკელაშვილი პარკეტზე მხოლოდ მაშინ გამოჩნდა, როცა ყველაფერი გადაწყვეტილი იყო. საბოლოოდ, სანდრომ დასკვნითი მეოთხედის ბოლო 01:18 წუთი ითამაშა და მეტოქის ფარზე მხოლოდ ერთხელ ისროლა, რომელიც არაზუსტი აღმოჩნდა.
Beginning of dialog window. Escape will cancel and close the window.
End of dialog window.
24 ტურის შემდეგ „მილუოკი ბაქსი“ აღმოსავლეთ კონფერენციის სატურნირო ცხრილში 18 მოგებით და 6 მარცხით მე-2 ადგილს იკავებს, გოგა ბითაძის ინდიანა კი 13 მოგებითა და 12 მე-6 პოზიციაზე იმყოფება.
