რიგის თასი: ფუტსალის ნაკრებმა პირველი მატჩი მოიგო
საქართველოს ფუტსალის ნაკრებმა მსოფლიო ჩემპიონატის საკვალიფიკაციო ეტაპის მოსამზადებელი ციკლის ფარგლებში პირველი ამხანაგური მატჩი რიგის თასზე ლიეტუვას ნაკრების წინააღმდეგ გამართა და დამაჯერებლად - 6:3 გაიმარჯვა.
ანგარიში საქართველოს ნაკრებმა პირველივე წუთზე სიმი საიოტის გოლით გახსნა, საპასუხო შეტევაში კი ლიეტუვამ ანგარიში გაათანაბრა. 10 წუთში მეტოქემ ზვიად კუპატაძის კარში მეორე გოლი გაიტანა, თუმცა 5-წუთიან ინტერვალში ავთანდილ ასათიანის გოლმა სიმი საიოტის დუბლით და ალექსანდრე თოდუას გოლით დაწინაურება შეძლო და ტაიმი 3:2 მოიგო.
მეორე ნახევრის დაწყებიდან 6 წუთში მთავარმა მსაჯმა მოედნიდან ზვიად კუპატაძე გააძევა, რასაც 32 წუთზე ლიეტუველების გოლი მოჰყვა და წონასწორობა კვლავ თანაბარი გახდა. 35-ე წუთზე სიმი საიოტმა მეტოქის კარში ჰეთ-თრიკი შეასრულა და საქართველოს ნაკრები კიდევ ერთხელ დააწინაურა. ამას მოყვა მსაჯის მხრიდან ლიეტუვას ორი ფეხბურთელის გაგრძელება, რომლის შემდეგაც მალევე ჩვენმა გუნდმა მე-5 გოლი გაიტანა, თავი ამჯერად ლოურენსუმ გამოიჩინა. საბოლოო ანგარიში კი თამაშის მიწურულს, ჭუმბურიძემ დააფიქსირა.
ავთანდილ ასათიანის გუნდი რიგის თასზე მომდევნო შეხვედრას 20 სექტემბერს, მასპინძელი ლატვიას წინააღმდეგ გამართავს.
