„აქ ტიტულების მოსაგებად გადმოვედი" - მაზრაუი ბაიერნის ფეხბურთელია
ნუსაირ მაზრაუი კარიერას „ბაიერნში“ გააგრძელებს. „რეკორდმაისტერმა“ ოფიციალური განცხადება გაავრცელა და გარიგება დაადასტურა. მიუნხენურმა კლუბმა 24 წლის უკანახაზელი თავისუფალი აგენტის სტატუსით გაიფორმა და მასთან ხელშეკრულება 2026 წლის ზაფხულამდე დადო.
„როცა ბაიერნთან მოლაპარაკებები დაიწყო, მაშინვე კარგი შეგრძნება დამეუფლა. ბედნიერი ვარ, რომ ევროპის ერთ-ერთ საუკეთესო კლუბს შევუერთდი. ახლახან ბაიერნმა ბუნდესლიგა ზედიზედ მეათედ მოიგო და გაისად ჩემპიონთა ლიგაზე წარმატების მისაღწევად იბრძოლებს. ეს კლუბი იმიტომ ავირჩიე, რომ მასთან ერთად უდიდესი ტიტულების მოგება მინდა“, - განაცხადა მაზრაუიმ.
????????⚪ #ServusMazraoui
— FC Bayern München (@FCBayern) May 24, 2022
Alle Fotos von Noussairs erstem Tag in München: https://t.co/zNwrbXrtMa pic.twitter.com/D0UhV5oPBZ
„მომდევნო სეზონისთვის დიდი მიზნები გვაქვს დასახული და მაზრაუის მსგავსი ფეხბურთელი მრავალფეროვან ვარიანტებს გაგვიჩენს. ჩემპიონთა ლიგის მატჩებში, მასთან ერთად იერიშების განხორციელებას მოუთმენლად ველით და გვინდა, რომ მომდევნო წლებში ერთად ბევრ წარმატებას მივაღწიოთ“, - დასძინა ოლივერ კანმა.
????️ Noussair Mazraoui: "I want to win major titles."
— FC Bayern Munich (@FCBayernEN) May 24, 2022
Our newest signing can't wait to get started ????⚪#MiaSanMia #ServusMazraoui pic.twitter.com/V7AywE8svp
შეგახსენებთ, რომ მაზრაუიმ „აიაქსის“ რიგებში სადებიუტო შეხვედრა 2018 წელს ჩაატარა. მას ნიდერლანდური კლუბის რიგებში 137 შეხვედრა აქვს გამართული და მის ანგარიშზე 10 გოლია.