შენგელიას მაგიური პასი - ბოლონიას გამარჯვება და ქართველის ტრავმა
იტალიის საკალათბურთო ჩემპიონატის მეოთხედფინალური ეტაპის პირველ შეხვედრაში ''ვირტუს ბოლონიამ'' შინ ''პეზარო'' 82:76 დაამარცხა.
გამარჯვებულთა სასტარტო ხუთეულში თორნიკე შენგელიამ ითამაშა, თუმცა მესამე მეოთხედში მიღებული ტრავმის გამო პარკეტი იძულებით დატოვა. ამ ეტაპზე ქართველი კალათბურთელის ტრავმის სიმძიმე უცნობია.
შენგელიამ პარკეტზე 13 წუთი გაატარა, მის აქტივში 12 ქულა, 3 მოხსნა და 2 პასია. ქულების რაოდენობით თანაგუნდელთა შორის მხოლოდ მარკო ბელინელის (14) ჩამორჩა.
ერთ-ერთი შეტევისას შენგელიას მიერ მილოშ ტეოდოსიჩის მიმართ შესრულებულ პასს EuroSport-მა მაგიური გადაცემა უწოდა.
Shengelia si traveste da Teodisc! ????????♂️✨
— Eurosport IT (@Eurosport_IT) May 15, 2022
Assist magico per Tessitori e showtime #Virtus ????????????#EurosportBasket | #LBASerieA | @discoveryplusIT | @Virtusbo pic.twitter.com/Xgei1DX1Mk
მეოთხედფინალური ეტაპის მეორე შეხვედრა ''ბოლონიასა'' და ''პეზაროს'' შორის კვლავ შენგელიას გუნდის საშინაო არენაზე გაიმართება. შეხვედრა 17 მაისს, თბილისის დროით 22 საათსა და 30 წუთზე დაიწყება.