წყალბურთის ჩემპიონთა ლიგა: დინამოს ისტორიული გამარჯვება ოლიმპიაკოსთან
წყალბურთის ჩემპიონთა ლიგის ჯგუფური ეტაპის ბოლო ტურში თბილისის „დინამომ“ დასკვნითი შეხვედრა გამართა და პირეოსის „ოლიმპიაკოსთან“ ისტორიული გამარჯვება მოიპოვა.
თბილისელებმა მეტოქეს დაძაბულ ბრძოლაში 14:13 მოუგეს.
პირეოსელებს თავიანთი შემადგენლობიდან გამომდინარე (ვერცხლისმედალოსანი 9 წყალბურთელი ტოკიო 2020-დან) შეხვედრაში ფავორიტის სტატუსი ჰქონდათ.
შეხვედრის სტარტი „დინამოსთვის“ წარმატებული გამოდგა და 3 უპასუხო ბურთის გატანაც შეძლეს. თუმცა მეტოქემ მეორე ნახევარში გათანაბრება შეძლო, რის შემდეგაც ბოლო წამამდე დაძაბული ბრძოლა მიმდინარეობდა.
საფინალო სასტვენამდე 1 წუთითა და 35 წამით ადრე თბილისელებმა სანდრო ადეიშვილის გოლით ტაბლოზე 14:13 დააფიქსირეს, რის შემდეგაც დაცვაში მწყობრად ითამაშეს და საქმე ბოლომდე მიიყვანეს.
#LENChampionsLeague ????♂️
— LENChampionsleague (@LENchampions) May 11, 2022
???????????????????????????????????????????? ???????????????????? ???????????? ???????? - ???????????????????? ????#WPDinamo_Tbilisi 14 ???? 13 @OlympiacosSFP
RESULTS: https://t.co/6agIteAo10#LENaquatics @LENaquatics pic.twitter.com/Hd6X0Ya283
შეგახსენებთ, რომ ბოლოსწინა ტურში თბილისის „დინამო“ ხორვატიის ქალაქ სპლიტში „იადრანს“ დაუპირისპირდა და პირველი გამარჯვება იქ გაიფორმა - 12:11. რვა გუნდისგან შემდგარი ჯგუფიდან მომდევნო ეტაპზე მოწინავე 4-ეული გავიდა. „დინამომ“ 2 მოგებით ბოლო ადგილი დაიკავა.
