შერმადინის კარგი მატჩი - ტენერიფემ რეალი დაამარცხა
ესპანეთის ACB ლიგის მორიგ ტურში „ტენერიფემ“ მადრიდის „რეალს“ უმასპინძლა. გულშემატკივრებმა ბრწყინვალე დაპირისპირება იხილეს, რომელიც ვიდორეტას გუნდის გამარჯვებით 72:59 დასრულდა.
El #LenovoTenerife tumba al #RealMadrid en un Santiago Martín a reventar
— Lenovo Tenerife (@CB1939Canarias) April 3, 2022
¡Orgullo de EQUIPO y de AFICIÓN!
???????? #VamosCanarias #LenovoTenerife pic.twitter.com/DAPYaCezGU
აღსანიშნავია, რომ სასტარტო ხუთეულში გიორგი შერმადინი არ მოგვევლინა, თუმცა საკუთარი გუნდის მხრიდან ერთ-ერთი საუკეთესო სწორედ ქართველი კალათბურთელი იყო.
შერმადინმა პარკეტზე 11 წუთი გაატარა. ამ პერიოდის განმავლობაში გიორგიმ 11 ქულას და 4 მოხსნას მოუყარა თავი. „ტენერიფეს“ მხრიდან საუკეთესო ფიტიპადო იყო, რომელმაც 14 ქულა, 4 მოხსნა და 9 შედეგიანი გადაცემა დააგროვა.
ცნობისთვის, პირველი ტაიმის შემდეგ „ტენერიფე“ 4 ქულით მარცხდებოდა. მესამე პერიოდის დასრულების შემდეგ, გუნდებს შორის სხვაობა „რეალის“ სასარგებლოდ 2 ქულა იყო. გადამწყვეტი უკანასკნელი მეოთხედი გამოდგა, სადაც მასპინძლებმა კოლოსალური უპირატესობა მოიპოვეს.
შეგახსენებთ, რომ ამ გამარჯვების შემდეგ, „ტენერიფეს“ 32 ქულა დაუგროვდა და სატურნირო ცხრილში მეექვსე პოზიციას იკავებს.