შენგელიას "ბასკონია" ესპანეთის ჩემპიონატის 1/2 ფინალში გავიდა
თორნიკე შენგელიას "ბასკონია" ესპანეთის ჩემპიონატის ნახევარფინალში გავიდა.
ვიტორიულმა კლუბმა მეოთხედფინალური სერიის მესამე, გადამწყვეტ მატჩში, დაძაბულ ბრძოლაში "გრან კანარიას" 73:71 სძლია.
შენგელია თამაშში სათადარიგოთა სკამიდან ჩაერთო და 11:58 წუთში მეტოქის ფარისთვის საერთოდ არ შეუტევია. ქართველ ფორვარდს აქტივში 2 მოხსნა, 1 პასი და 1 დაფარება ჰქონდა, პასივში კი - 3 პერსონალური ფოლი და 5 დაკარგვა.
"ბასკონიას" მეტოქე ნახევარფინალში "ვალენსია" იქნება, რომელმაც მეოთხედფინალში საერთო ანგარიშით - 2:1 სძლია "ბარსელონას".
ნახევარფინალიდან სერია 3 მოგებამდე გრძელდება. მოედნის უპირატესობა შენგელიას გუნდს ექნება.
