ფინალური წყვილი ცნობილია - მილუოკიმ ატლანტა სტუმრად დაამარცხა
NBA-ის აღმოსავლეთ კონფერენცია „მილუოკი ბაქსმა“ მოიგო. იანის ანტეტოკოუნმპოს ტრავმის მიუხედავად, ვისკონსინელებმა „ატლანტა ჰოუქსი“ დაამარცხეს და საჩემპიონო ბეჭდებისთვის ბრძოლას განაგრძობენ.
The @Bucks defeat ATL 4-2 and advance to the #NBAFinals presented by @YouTubeTV for the first time since 1974! #ThatsGame pic.twitter.com/c35oKzfrxI
— NBA (@NBA) July 4, 2021
„მილუოკიმ“ „ატლანტას“ სტუმრად მოუგო და გადამწყვეტი მე-3 მეოთხედი აღმოჩნდა. „ბაქსმა“ მეორე ტაიმის საწყისი წუთები ბრწყინვალედ ჩაატარა და ბოლო თორმეტწუთეულის წინ, 22-ქულიან უპირატესობას ფლობდა, რაც სასურველი შედეგის მისაღწევად საკმარისი აღმოჩნდა - 118-107.
The TOP PLAYS from Game 6 between the @Bucks and @ATLHawks, as Milwaukee wins the series 4-2! pic.twitter.com/XeX6s27HCp
— NBA (@NBA) July 4, 2021
ანტეტოკოუნმპოს არყოფნაში „მილუოკის“ კრის მიდლტონმა ულიდერა, რომელსაც 32 ქულა, 4 მოხსნა, 7 შედეგიანი გადაცემა და 3 ჩაჭრა ჰქონდა. ჯრუ ჰოლიდეიმ 27 ქულა, 9 მოხსნა, 9 პასი და 4 ჩაჭრა დააგროვა. ბრუკ ლოპესი 13 ქულით გამოირჩა, ხოლო ბობი პორტისმა მატჩი 12 ქულით დაასრულა.
Khris, Jrue come up HUGE in Game 6!
— NBA (@NBA) July 4, 2021
???? @Khris22m: 32 PTS (23 in 3Q), 7 AST, 3 STL
???? @Jrue_Holiday11: 27 PTS, 9 REB, 9 AST, 4 STL, 2 BLK
The @Bucks advance to the #NBAFinals presented by YouTube TV for the first time since 1974! #ThatsGame pic.twitter.com/yuqnelZI1j
„ატლანტას“ ტრეი იანგი დაუბრუნდა, თუმცა „ჰოუქსის“ ლიდერმა თავი ვერაფრით გამოიჩინა. იანგს ცუდი მატჩი ჰქონდა, 17-დან მხოლოდ 4 ბურთი ჩააგდო და 6 სამქულიანი გააცუდა. ჯორჯიელთა მხრიდან ყველაზე მეტი, 21 ქულა რედიშმა დააგროვა. ბოგდანოვიჩმა 20 ქულა გაიფორმა. კაპელამ 14 ქულა და 9 მოხსნა მიითვალა, ხოლო გალინარი და კოლინსი 13-13 ქულას დასჯერდნენ.
KEEP FIGHTING. pic.twitter.com/DMAuXQGwV7
— Atlanta Hawks (@ATLHawks) July 4, 2021
„მილუოკი“ ფინალურ სერიაში „ფინიქს სანსს“ დაუპირისპირდება და არიზონელებს საკუთარი კედლების უპირატესობა ექნებათ. გადამწყვეტი დუელი 7 ივლისს, თბილისის დროით 05:00-ზე დაიწყება.
