შენგელიას ეფექტური გოლი - ქონია ტრაბზონთან დამარცხდა
თურქეთის ჩემპიონატის მე-20 ტურში ლევან შენგელიას „ქონია“ სტუმრად „ტრაბზონს“ დაუპირისპირდა და 3-1 დამარცხდა.
მასპინძლებმა ანგარიში 22-ე წუთზე, ნვაკაემეს გოლის წყალობით გახსნეს და პირველი ტაიმი 1-0 მოიგეს. მეორე ნახევარში „ტრაბზონმა“ მეტოქის კარი კიდევ 2-ჯერ აიღო. 56-ე წუთზე თავი ფლავიომ გამოიჩინა, ხოლო 4 წუთში საკუთარ გუნდს 3-ბურთიანი უპირატესობა ჯანინიმ მოუტანა.
დარჩენილ დროში „ქონია“ ბევრს ეცადა, მაგრამ მხოლოდ პრესტიჟის გოლის გატანა შეძლო, რომელიც ლევან შენგელიას ანგარიშზეა. ქართველმა ფეხბურთელმა მატჩი სათადარიგოთა სკამზე დაიწყო და მოედანზე 86-ე წუთზე შევიდა. 2 წუთში მან ეფექტური ბურთი შეაგდო და საბოლოო ანგარიში დააფიქსირა.
@Trabzonspor 3:1 @konyaspor
— Dima Shariqadze (@shariqadzedima) January 19, 2021
Third goal of the season for Levan Shengelia (88) pic.twitter.com/rtxigAU3Ya
შეგახსენებთ, რომ შენგელიას მიმდინარე სეზონში „ქონიას“ მაისურით 18 შეხვედრა აქვს ჩატარებული. ლევანმა თურქული კლუბის რიგებში 3 გოლი და ამდენივე შედეგიანი გადაცემა მიითვალა.
