ვარჯიში გაუქმდა - ბარსელონაში კორონავირუსის 2 შემთხვევა დაფიქსირდა
"ბარსელონას" გარშემო პრობლემები არ წყდება. კატალონიური გრანდის ოფიციალური ვებ-საიტი იტყობინება, რომ სამწვრთნელო შტაბის ორ წევრს კორონავირუსი აქვს.
Two members of the first team staff test positive for Covid-19
— FC Barcelona (@FCBarcelona) January 4, 2021
აქედან გამომდინარე, პირველი გუნდის ყველა ფეხბურთელი და სტაფის წევრი ტესტს ჩაიტარებს. დაფიქსირებული შემთხვევების გამო ბარსას დღევანდელი ვარჯიში გაუქმდა. ოთხშაბათს, 6 იანვარს "ბლაუგრანა" ბილბაოს "ატლეტიკს" ესტუმრება.
შეგახსენებთ, რომ "ბარსელონას" მიმდინარე სეზონში არასახარბიელო შედეგები აქვს. 16 მატჩის შემდეგ რონალდ კუმანის გუნდს 28 ქულა აქვს და მე-5 ადგილზე იმყოფება. ბარსა ლიდერ "ატლეტიკოს" 10 ქულით ჩამორჩება, თანაც ეს იმის ფონზე, რომ "როხიბლანკოს" 1 თამაშით ნაკლები აქვს ჩატარებული.
