კორონავირუსი ჯენოაში - როსობლუში Covid-19-ის 14 შემთხვევა დაფიქსირდა
„ჯენოამ“ ოფიციალური განცხადება გაავრცელა, რომლის მიხედვითაც, ცნობილი გახდა, რომ გუნდში კორონავირუსით ინფიცირების 14 შემთხვევა დაფიქსირდა.
Football Italia-ს ინფორმაციით, „როსობლუში“ Covid-19-ის დასადგენი ტესტები „ნაპოლისთან“ მატჩის შემდეგ ჩატარდა. Gazzetta dello Sport კი გვაუწყებს, რომ 14 ინფიცირებულიდან 10 ფეხბურთელია და მათ შორის პერინი და შონე არიან.
Genoa announce that 14 members of their match squad, believed to include eight players, tested positive for COVID-19 after the game with Napoli https://t.co/DYJnu4PEOA #Genoa #Napoli #SerieA pic.twitter.com/Ygcs2v2IzP
— footballitalia (@footballitalia) September 28, 2020
„ჯენოა იუწყება, რომ დღევანდელი ტესტირების შემდეგ, Covid-19-ით ინფიცირებული თანამშრომლების რაოდენობა 14-მდე გაიზარდა. კლუბი პროტოკოლის მიხედვით მოქმედებს და მთავრობის წარმომადგენლებს მომხდარის შესახებ უკვე შეატყობინა. ჯენოა სიახლეებს გულშემატკივრებს ეტაპობრივად შეატყობინებს“, - წერია „ჯენოას“ განცხადებაში.
შეგახსენებთ, რომ გენუელებმა „ნაპოლისთან“ სრულ კრახი განიცადეს და 6-0 დამარცხდნენ. „ჯენოას“ 2 ტურის შემდეგ, 3 ქულა აქვს და მომდევნო შეხვედრას 3 ოქტომბერს, „ტორინოს“ წინააღმდეგ გამართავს.
