L'Equipe: ლეონარდომ ხორხე მესის დაურეკა, თუმცა ლეომ უკვე სიტი აირჩია
ავტორიტეტული ფრანგული გამოცემა L'Equipe-ი წერს, რომ პსჟ-ს სპორტული დირექტორი ლეონარდო ლეო მესის მამას ხორხეს ტელეფონით დაუკავშირდა და მას ტრანსფერის შესახებ ესაუბრა.
წყაროს ცნობით, ლეონარდოსა და პარიზულ კლუბს აინტერესებთ რამდენად შესაძლებელია არგენტინელის ტრანსფერი და როგორია მისი ღირებულება.
Selon nos informations, Leonardo a appelé Jorge Messi, le père et représentant de Lionel Messi, pour se renseigner sur la situation de ce dernier et lui faire part de l'intérêt du PSG en cas de départ https://t.co/C4fBqEHSz6 pic.twitter.com/0ljOKdP4pY
— L'ÉQUIPE (@lequipe) August 28, 2020
ფრანგული გამოცემის თქმით, მესის მამამ და ამავდროულად მისმა აგენტმა ლეონარდოს უპასუხა, რომ მისმა შვილმა არჩევანი „მანჩესტერ სიტიზე“ შეაჩერა.
L'Equipe-ი გუშინ წერდა, რომ რონალდ კუმანი ანტუან გრიზმანს ესაუბრა და მას მესის პოზიციაზე თამაშთან ერთად გუნდის ლიდერობა დაჰპირდა.
ფრანგული გამოცემა „ბარსელონას“ირგვლივ არსებულ მოვლენებს აქტიურად აშუქებს და საკმაოდ სერიოზულ ინფორმაციებსაც ავრცელებს, თუმცა ყველაფერი ვარაუდად რჩება, სანამ მესი დუმილს არ დაარღვევს და საჯარო განცხადებას გააკეთებს.
შეგახსენებთ, რომ არგენტინელის განცხადებას საფეხბურთო და მთლიანად სპორტული სამყარო უახლოეს დღეებში ელოდება.