Aa Aa
6 აგვისტო 2020  |  21:55

პრემიერ ლიგის მომდევნო სეზონში 5 ცვლილების წესი აღარ იმოქმედებს

პრემიერ ლიგის მომდევნო სეზონში 5 ცვლილების წესი აღარ იმოქმედებს. დღეს გამართულ კენჭისყრაზე ინგლისის უმაღლეს დივიზიონში მოასპარეზე 11 კლუბმა წესის გაუქმებას დაუჭირა მხარი, რაც იმას ნიშნავს, რომ ახალ სეზონში გუნდებს მხოლოდ 3 ცვლილების განხორციელების უფლება ექნებათ.

Daily Mail-ის ინფორმაციით, ახლად დაწინაურებულმა „ლიდსმა“, „ვესტ ბრომვიჩმა“ და „ფულემმა“ ძველ წესს მისცეს ხმა. „ჩელსი“ კი ერთ-ერთი იყო, რომელიც 5-ცვლილებას აქტიურად ლობირებდა.

შეგახსენებთ, რომ 5 ცვლილების წესი კორონავირუსის პანდემიის შემდეგ შემოიღეს და მისი მიზანი ტრავმების თავიდან არიდებაა. ამ წესს ევროპაში ბევრი მოწინააღმდეგე ჰყავს, რომლებიც თვლიან, რომ 5 ცვლილება წყალს გრანდების წისქვილზე ასხამს, რადგან მათ გრძელი სათადარიგოთა სკამი ჰყავთ.

გაზიარება:

მსგავსი სიახლეები