გუნდის თვითმფრინავით 1.2 მილიონი პირბადე ჩამოიტანა - „პეთრიოთსის" მფლობელის ღირსეული ჟესტი
მასაჩუსეტსის გუბერნატორს, ჩარლი ბეიკერს კორონავირუსის პანდემიის წინააღმდეგ ბრძოლაში „ნიუ ინგლენდ პეთრიოთსი“ დაეხმარა. ცოტა ხნის წინ, ბეიკერმა ჩინური კომპანიისგან 1.2 მილიონი პირბადე N 95 შეიძინა, მაგრამ ქვეყანაში მათ შემოტანას ვერ ახერხებდა.
პრობლემის აღმოსაფხვრელად იგი „ნიუ ინგლენდ პეთრიოთსის“ მფლობელს, რობერტ კრაფტს დაუკავშირდა. ამ უკანასკნელმა გუბერნატორს ბოინგ 767 გამოუყო, რომლითაც სეზონის მიმდინარეობისას გუნდის გადაყვანა ხდება.
Patriots plane unloaded at Logan. Masks galore. pic.twitter.com/iTLQ222oL4
— Ken MacLeod (@KenMacWBZ) April 2, 2020
თვითმფრინავი ჩინეთში გაემგზავრა და 1.2 მილიონი პირბადით დატვირთული, ბოსტონში ხუთშაბათს, ადგილობრივი დროით 5 საათსა და 55 წუთზე დაეშვა. პირბადეებს მასაჩუსეტსში მდებარე საავადმყოფოებს გადასცემენ და მათ სამედიცინო პერსონალი გამოიყენებს.
N95 masks are hauled into the Delta hangar at Logan — where the national guard is waiting to truck them away. pic.twitter.com/KmmCTvdcHX
— Ken MacLeod (@KenMacWBZ) April 2, 2020
გავრცელებული ინფორმაციით, პირბადეების შეძენაში რობერტ კრაფტიც მონაწილეობდა და მან 2 მილიონი აშშ დოლარი გაიღო. ამერიკული პრესის ცნობით, „ნიუ ინგლენდის“ მფლობელი 300 000 პირბადეს ნიუ იორკის შტატს გადასცემს, სადაც კორონავირუსით უკვე 1941 ადამიანი დაიღუპა.
