30 წლის წინ - საქართველოს პირველი ეროვნული ჩემპიონატი დაიწყო
ზუსტად 30 წლის წინ - 1990 წლის 30 მარტს დამოუკიდებელი საქართველოს პირველი ეროვნული ჩემპიონატი დაიწყო.
გახსნით მატჩში ერთამანეთს თბილისის იბერიას სახელით მოასპარეზე დინამო თბილისი და ფოთის კოლხეთი დაუპირისპირდნენ.
მატჩი ფოთელთა გამარჯვებით 0:1 დასრულდა.
ჩემპიონატის პირველი და ისტორიული გოლი ოლიმპიურმა ჩემპიონმა გელა კეტაშვილმა საკუთარ კარში გაიტანა.
აღსანიშნავია, რომ ბურთის თამაშში შეყვანის პატივი - ქართული ფეხბურთის ისტორიაში ყველაზე დიდი გამარჯვების მომტანი გოლის ავტორის, ვიტალი დარასელიას ვაჟს , 11 წლის ვიტალი დარასელია უმცროსს ერგო.
შეხვედრის დაწყებამდე კი ფეხბურთელებს და სავსე "დინამო" სტადიონს ეროვნული მოძრაობის იმდროინდელმა ლიდერმა ზვიად გამსახურდიამ მიმართა.
იბერია: ხაპოვი, კეტაშვილი, ცხადაძე, ჭედია, არზიანი, გოგიჩაიშვილი, ქეცბაია, ცაავა, რევიშვილი, გურული, კაჭარავა შეცვლაზე შევიდნენ: გ. ჯიშკარიანი, ჩიქოვანი
მთავარი მწვრთნელი: დავით ყიფიანი
კოლხეთი: გვასალია, კურგენიანი, ქაჯაია, გიორგაძე, გიგატაძე, შამათავა, თოფურია, მახარაძე, ჯუღელი, თვარაძე, ავრამიდისი შეცვლაზე შევიდნენ: თიბილაშვილი, ინიაშევი, ბაჯალაძე
მთავარი მწვრთნელი: ჯონი ჯანელიძე