ერთა ლიგის კენჭისყრა - C ლიგაში საქართველოს ნაკრების მეტოქეები ცნობილია!

ამსტერდამში უეფას ერთა ლიგის 2021/21 წლების კენჭისყრა გაიმართა. ცნობილია საქართველოს ფეხბურთელთა ეროვნული ნაკრების მეტოქეები C ლიგაში. ქართველი ფეხბურთელები B ჯგუფში სომხებს, ესტონელებსა და მაკედონიელებს დაუპირისპირდებიან.

A ლიგა

A ჯგუფი: პოლონეთი, ბოსნია და ჰერცეგოვინა, იტალია, ჰოლანდია

B ჯგუფი: ისლანდია, დანია, ბელგია, ინგლისი

C ჯგუფი: ხორვატია, შვედეთი, საფრანგეთი, პორტუგალია

D ჯგუფი: გერმანია, უკრაინა, ესპანეთი, შვეიცარია

 

B ლიგა

A ჯგუფი: ავსტრია, ნორვეგია, ჩრდილოეთ ირლანდია, რუმინეთი, 

B ჯგუფი: ჩეხეთი, შოტლანდია, სლოვაკეთი, ისრაელი

C ჯგუფი: რუსეთი, თურქეთი, სერბეთი, უნგრეთი

D ჯგუფი: უელსი, ფინეთი, ირლანდია, ბულგარეთი

 

C ლიგა

A ჯგუფი: აზერბაიჯანი, ლუქსემბურგი, კვიპროსი, მონტენეგრო

B ჯგუფი: სომხეთი, ესტონეთი, ჩრდილოეთ მაკედონია, საქართველო

C ჯგუფი: მოლდოვა, სლოვენია, კოსოვო, საბერძნეთი

D ჯგუფი: ყაზახეთი, ლიეტუვა, ბელარუსი, ალბანეთი

 

D ლიგა

A ჯგუფი: მალტა, ანდორა, ლატვია, ფარერის კუნძულები

B ჯგუფი: ლიხტენშტაინი, სან მარინო, გიბრალტარი

 C ლიგის თითოეული ჯგუფის გამარჯვებული B ლიგაში დაწინაურდება, ბოლოადგილოსნები კი ერთმანეთში, გასვლა-სახლის პრინციპით, 2022 წლის მარტში, ლიგაში დასარჩენ ფლეი-ოფში ითამაშებენ. ამის მიზეზი ისაა, რომ D ლიგაში მხოლოდ 2 ჯგუფი იქმნება.

აღსანიშნავია ისიც, რომ თუკი დასარჩენ ფლეი-ოფში მონაწილე რომელიმე გუნდი მსოფლიოს 2022 წლის ჩემპიონატის საკვალიფიკაციო ეტაპის ფლეი-ოფის მონაწილეც იქნება, მაშინ D ლიგაში გავარდნილი გუნდები ავტომატურად, უეფა-ს რეიტინგის მიხედვით, გამოვლინდება.

ერთა ლიგის 2020-21 წლების გათამაშება 3 სექტემბერს დაიწყება და ჯგუფური ეტაპი 17 ნოემბრამდე გაგრძელდება. A ლიგის ფინალები 2021 წლის 2; 3 და 6 ივნისსაა ჩანიშნული, ხოლო ლიგაში დასარჩენი ფლეი-ოფები 2022 წლის 24; 25; 28 და 29 მარტს ჩატარდება.