Aa Aa
15 დეკემბერი 2019  |  21:16

კიტეიშვილის მორიგი გოლი საფეხბურთო თრილერში!

ავსტრიის ბუნდესლიგაში ოთარ კიტეიშვილმა მორიგი გოლი გაიტანა, საქართველოს ეროვნული ნაკრების ფეხბურთელმა ლინცის ''ლასკთან'' გასვლით მატჩში თავი გამოიჩინა.

მატჩის 24-ე წუთზე კიტეიშვილმა მეტოქის საჯარიმოში დასწრებაზე ზუსტად ითამაშა და ანგარიში მისი გუნდის სასარგებლოდ 0:3 გახდა. 23 წლის ფეხბურთელმა მიმდინარე სეზონში ავსტრიის ჩემპიონატში მე-18 მატჩი ჩაატარა, მის ანგარიშზე 4 გოლი და 5 საგოლე პასია.

ოთარ კიტეიშვილმა ავსტრიის ბუნდესლიგის უკანასკნელ სამ მატჩში 2 გოლი გაიტანა და 1 საგოლე პასი შეასრულა.

 

მიუხედავად იმისა, რომ 24-ე წუთისთვის კიტეიშვილის გუნდი გასვლით მატჩს სამგოლიანი უპირატესობით იგებდა, ტაიმის მიწურულს ''ლინცმა'' ორი გოლი შეაგდო, 74-ე წუთზე კი ანგარიში გათანაბრდა.

ოთარ კიტეიშვილმა სასტარტოში შეუცვლელად ითამაშა, მე-80 წუთზე ყვითელი ბარათი მიიღო.

86-ე წუთზე ''შტურმი'' რიცხვობრივ უმცირესობაში აღმოჩნდა, თუმცა ანგარიში არ შეცვლილა, მატჩი ფრედ 3:3 დასრულდა.

ავსტრიის ბუნდესლიგის 12-გუნდიან ჩემპიონატში ''შტურმი'' 28 ქულით მეხუთე ადგილზეა.

გაზიარება:

მსგავსი სიახლეები