NBA - პრობლემები „სან ანტონიოში“ – „ბოსტონის“ ზედიზედ მერვე გამარჯვება
სან ანტონიო - მემფისი 109 - 113
გრეგ პოპოვიჩის „სან ანტონიოს“ რთული პერიოდი უდგას. ტეხასელებმა სეზონი კარგად დაიწყეს, მაგრამ ბოლო მატჩებში სერიოზული პრობლემები აქვთ, რაც „მემფისთანაც" კარგად გამოჩნდა.
„სპურსმა“ დასავლეთ კონფერენციის აუტსაიდერთან საშინლად იასპარეზა და დამსახურებულად დამარცხდა. თანაც „გრიზლისი“ უპირატესობას თითქმის მთელი შეხვედრის განმავლობაში ფლობდა.
„მემფისის“ წარმატება ჯარენ ჯექსონ ჯუნიორისა და დილონ ბრუქსის დამსახურება გახლავთ, რომლებმაც ჯამში 45 ქულა მიითვალეს. იონას ვალანჩუნასმა აქტივში 18 ქულა და 12 მოხსნა ჩაიწერა. ბრენდონ კლარკი კი 14 ქულას დასჯერდა.
24 PTS | 6 REB | 5 AST | 4 3PM@jarenjacksonjr propels the @memgrizz to the road win❗️ #GrindCity pic.twitter.com/2KUtnoi7oJ
— NBA (@NBA) November 12, 2019
„სან ანტონიოს“ მხრიდან 19 ქულით ლამარკუს ოლდრიჯი გამოირჩა. ბრინ ფორბსმა თავი 14 ქულას მოუყარა. რუდი გეი 18 ქულას დასჯერდა, ხოლო დერიკ უაითმა მატჩი 15 ქულით დაასრულა.
???? RUDY, RUDY, RUDY! pic.twitter.com/koAebsMQou
— San Antonio Spurs (@spurs) November 12, 2019
ბოსტონი - დალასი 116 – 106
„ბოსტონ სელთიქსი“ საოცარ ფორმაში იმყოფება. სეზონის გახსნით შეხვედრაში განცდილი მარცხის შემდეგ „კელტებმა“ მიჯრით მერვე გამარჯვება იზეიმეს.
„ბოსტონის“ მორიგი მსხვერპლი არც თუ ისე სუსტი „დალას მავერიქსი“ გახდა, რომელსაც ბრედ სტივენსის გუნდმა „თიდი გარდენში“ სძლია.
„სელთიქსის“ გამარჯვება გუნდური კალათბურთის დამსახურება გახლდათ. „ბოსტონის“ მხრიდან 10 ქულიანი ნიშნული 5-მა მოთამაშემ გადალახა. საუკეთესო კი 29 ქულით კემბა უოკერი იყო. მას 4 ქულით ჯეილენ ბრაუნი ჩამორჩა, ხოლო მარკუს სმარტმა 17 ქულა გაიფორმა.
Kemba Walker delivered for us in the 4Q as we finished with a 116-106 victory over the Mavericks. pic.twitter.com/lSuTsuNJnI
— Boston Celtics (@celtics) November 12, 2019
„დალასის“ რიგებში 34 ქულით ლუკა დონჩიჩი გამოირჩა. პაუელმა და ბრანსონმა 12-12 ქულა დააგროვეს. კლებერმა კი 15 ქულა მიითვალა.
Luka's on FIRE ????
— Dallas Mavericks (@dallasmavs) November 12, 2019
????: https://t.co/SVuWeC5NJ9 pic.twitter.com/6mE1YSI8bo
სხვა მატჩების შედეგები
დეტროიტი - მინესოტა 114 – 120
ნიუ ორლეანი - ჰიუსტონი 116 – 122
გოლდენ სტეიტი - იუტა 108 – 122
კლიპერსი - ტორონტო 98 - 88