Aa Aa
9 ნოემბერი 2019  |  17:17

ვოლკოვის პირველი დუბლი უცხოურ კარიერაში

აზერბაიჯანის პრემიერლიგის მე-11 ტურში ''გაბალამ'' საკუთარ კედლებში ''საბაილი'' 3:0 დაამარცხა. გამარჯვებულთა ქართველმა ფორვარდმა დავით ვოლკოვმა დუბლი შეასრულა, რომელმაც 23-ე წუთზე აგარიში გახსნა, მეორე გოლი კი პირველი ტაიმის მეორე დამატებულ წუთზე შეაგდო.

მიმდინარე სეზონში 24 წლის დავით ვოლკოვმა 11 მატჩში 4 გოლი შეაგდო.

''საბაილთან'' მატჩში პირველი გოლისას კარისკენ მერაბ გიგაურმა დაარტყა, სტუმართა მეკარემ ბურთი მოიგერია და ვოლკოვმა დამატებაზე ზუსტად ითამაშა.

 

მეორე გოლისას ''გაბალამ'' სწრაფი კონტრშეტევა განავითარა, რომელიც ვოლკოვის ძლიერი დარტყმით დასრულდა. ვოლკოვი აზერბაიჯანულ კლუბში 2019 წლის ზამთარში ჩაირიცხა და უცხოურ კარიერაში პირველი დუბლი შეასრულა. ''გაბალას'' გარდა მცირე ხნით სერბეთის ჩემპიონატშიც ასპარეზობდა.

 

''საბაილთან'' შეხვედრაში მერაბ გიგაურმა 90 წუთი ითამაშა, ხოლო ვოლკოვი 58-ე წუთზე შეცვალეს. 8-გუნდიან ჩემპიონატში მერაბ გიგაურისა და დავით ვოლკოვის ''გაბალა'' 9 ქულით ბოლო ადგილზეა.

ფოტო: gabalafc.az

გაზიარება:

მსგავსი სიახლეები