"ეს ბიჭი ვინაა"? - რიბერიმ FIFA 20 საკუთარი გრაფიკული გამოსახულების გამო გააკრიტიკა
ფრანგმა ვარსკვლავმა, ფრანკ რიბერიმ საფეხბურთო სიმულატორ FIFA 20-ის მწარმოებელი კომპანია, EA Sports-ი გააკრიტიკა. საკუთარ შვილთან თამაშისას რიბერიმ შენიშნა, რომ სიმულატორში მისი გრაფიკული გამოსახულება მისსავე რეალურ სახესთან სერიოზულ შეუსაბამობაში იყო.
„ფიორენტინას“ 36 წლის შემტევმა ფოტო გამოაქვეყნა, რომელსაც ნახევრად ხუმრობით ასეთი წარწერა დაურთო: „ჩემს შვილთან ერთად FIFA 20-ის თამაში გადავწყვიტე. უბრალოდ მაინტერესებს, ეს ბიჭი ვინაა“?
Played #FIFA20 with my kids not long ago. ????
— Franck Ribéry (@FranckRibery) October 17, 2019
Hey @EASPORTSFIFA...Who is this guy? ???????????? pic.twitter.com/fjCBjO4FOx
FIFA-ში რიბერის გრაფიკული გამოსახულების ნახვის შემდეგ ძნელია, ფრანგ შემტევს არ დაეთანხმო, რადგან ფეხბურთელი საკუთარ თავს აბსოლუტურად არაფრით არ ჰგავს.
FIFA-ს უმძაფრესი კონკურენტის, PES-ის „ტვიტერის“ ოფიციალურმა გვერდმა რიბერის პოსტის საპასუხოდ ამ თამაშში მისი გრაფიკული გამოსახულება გამოაქვეყნა და ფრანგ კითხვა დაუსვა, იცნობს თუ არა ამ ბიჭს. PES-ში რიბერის გამოსახულებას ნამდვილისგან ძნელად თუ გაარჩევ.
Hey Franck! Do you know who this guy is? ???? pic.twitter.com/f6HfiH8DZ9
— eFootball PES (@officialpes) October 17, 2019
ამ განსხვავების მთავარი მიზეზი ისაა, რომ FIFA 20-ს სერია A-ს ლიცენზია PES 20-მა ჩამოართვა და ამიერიდან FIFA-ს სხვა ყველაფერთან ერთად, კლუბების ოფიციალური დასახელებების გამოყენების უფლებაც აღარ აქვს.