როცა მატჩის ბედი ბოლო წამებზე წყდება: ბურჯანაძის პირველი გამარჯვება
ესპანეთის საკალათბურთო ჩემპიონატის მიმდინარე სეზონში ''გრან კანარიამ'' პირველი გამარჯვება მესამე ტურში მოიპოვა. ბექა ბურჯანაძის გუნდმა გასვლითი მატჩი ''მანრესასთან'' გამართა და შეხვედრის ბოლო წამებზე 1 ქულით მოიგო. საბოლოოდ ''გრან კანარიამ'' 75:74 გაიმარჯვა.
ბურჯანაძე სასტარტო ხუთეულში ვერ მოხვდა, თუმცა მატჩის დასკვნითი 15 წუთი პარკეტზე გაატარა, საერთო ჯამში კი პარკეტზე 24 წუთი და 30 წამი გაატარა. ქართველის ანგარიშზე 7 ქულა, 4 მოხსნა, 1 პასი და 1 ჩაჭრაა.
25 წლის ბურჯანაძის გუნდი 1 მოგებითა და 2 მარცხით სატურნირო ცხრილში მე-12 ადგილზეა.