ედენ აზარმა ტრავმა მიიღო

მადრიდის „რეალის“ ბელგიელი სუპერვარსკლავი, ედენ აზარი ლა ლიგის პირველი ტურის შეხვედრას გამოტოვებს. წესითა და რიგით 28 წლის შემტევის დებიუტი ხვალ, „სელტას“ წინააღმდეგ უნდა შემდგარიყო, მაგრამ აზარმა ტრავმა მიიღო.

ესპანური პრესის ინფორმაციით „სამეფო კლუბის“ ახალწვეულმა დღეს გამართულ ვარჯიშზე მარცხენა ფეხის ბარძაყის კუნთი დაიზიანა

„სანტიაგო ბერნაბეუს“ ბინადრების ექიმები დაზუსტებით ჯერჯერობით არაფერს ამბობენ და ტესტების პასუხებს ელოდებიან.

აზარის გარდა, „ლოს ბლანკოსის“ ლაზარეთში მარკო ასენსიო, ფერლან მენდი და როდრიგო იმყოფებიან. „სელტასთან“ მატჩის წინ კი ზინედინ ზიდანს პრობლემების მოგვარება მოუწევს.

სავარაუდოდ ფრანგი სპეციალისტი ძირითად შემადგენლობაში ახალგაზრდა ბრაზილიელს, ვინისიუსს გაამწესებს. 

Cope-ის ინფორმაციით აზარი 3-4 კვირას იუქმებს.

????⭐ @viniciusjr and @RodrygoGoes remain in the hunt for the Golden Boy award 2019! The Brazilian forwards are among the 60 nominees for the award, given to the best Under-21 football player in Europe by Tuttosport. #HalaMadrid pic.twitter.com/87UEIg85Mn

— Real Madrid C.F. ???????????????? (@realmadriden) August 16, 2019