ხარაბაძის საგოლე პასი სადებიუტო მატჩში
შვეიცარიულ ''ციურიხში'' ქართველმა მცველმა ლევან ხარაბაძემ სადებიუტო მატჩი ჩაატარა. სუპერლიგის მე-19 ტურში ''სენტ. გალენმა'' შინ ''ციურიხი'' 3:1 დაამარცხა. სტუმართა სასტარტო შემადგენლობაში 19 წლის ქართველმა ფეხბურთელმა 90 წუთი ითამაშა. აღსანიშნავია, რომ სადებიუტო მატჩში ხარაბაძემ საგოლე გადაცემა შეასრულა.
შვეიცარიის 10-გუნდიან სუპერლიგაში ''ციურიხი'' 25 ქულით მე-5 ადგილზეა.
19 წლის მოთამაშემ, რომელიც 2000 წლის 26 იანვარსაა დაბადებული, ეროვნული ლიგის 2018 წლის სეზონში თავი კარგად წარმოაჩინა. მან სადებიუტო სეზონში თბილისის ''დინამოს'' შემადგენლობაში ეროვნული ლიგის 31 მატჩში 4 გოლი გაიტანა და 5 საგოლე გადაცემა შეასრულა. მიმდინარე წელს ხარაბაძემ კარიერა შვეიცარიულ კლუბში გააგრძელა.
Levan Kharabadze został wypożyczony z Dinamo Tbilisi do FC Zurich +opcja wykupu. #Mercato pic.twitter.com/zCWuP2DaSG
— Mercato LIVE (@TransferLive5) January 10, 2019
ხარაბაძეს საქართველოს 17 და 19 წლამდე ნაკრებებში უთამაშია.
ევროპა ლიგის 1/16-ფინალურ ეტაპზე ''ციურიხის'' მეტოქე კარლო ანჩელოტის გაწვრთნილი ''ნაპოლია.'' პირველი შეხვედრა 15 თებერვალს შვეიცარიაში გაიმართება, საპასუხო მატჩი კი 22 თებერვალს ნეაპოლში შედგება.
კახა კალაძე ''ენფილდზე'' ითამაშებს
