NBA-ის გასული ტურის მიმოხილვა
დენვერი - მემფისი 99 - 105
გამთენიისას ნაციონალურ საკალათბურთო ასოციაციაში 11 შეხვედრა გაიმართა. ტურის ცენტრალური მატჩი კოლორადოში შედგა, სადაც ერთმანეთს „დენვერი“ და „მემფისი“ დაუპირისპირდნენ.
შეხვედრა საკმაოდ დაბალშედეგიანი გამოდგა და „ნაგეთსის“ გამარჯვებით დასრულდა. ნიკოლა იოკიჩმა და კომპანიამ წარმატებას შესანიშნავი დაცვის ხარჯზე მიაღწია და „გრიზლისს“ 100 ქულის დაგროვების საშუალება არ მისცა.
„დენვერის“ რიგებში 27 ქულითა და 12 მოხსნით საუკეთესო სწორედ იოკიჩი გახლდათ. მონტე მორისმა აქტივში 20 ქულა ჩაიწერა. ჯამალ მარიმ კი გუნდს 16 ქულა შესძინა.
„მემფისის“ მხრიდან 19 ქულით მაიკლ კონლი გამოირჩა. შელვინ მაკმა თავი 14 ქულას მოუყარა, ხოლო ჯამაიკლ გრინმა ორმაგი დუბლი გაიფორმა - 13 ქულა, 10 მოხსნა.
ლეიკერსი - მაიამი 108 – 105
დღევანდელი ტური ლოს-ანჯელესში, „ლეიკერსისა“ და „მაიამის“ დაპირისპირებით დაიხურა. ფლორიდელებმა წინა შეხვედრაში ადგილობრივი „კლიპერსი“ დაამარცხეს, თუმცა ლებრონ ჯეიმსის წინააღმდეგ იგივე შედეგი ვერ დააფიქსირეს.
„მეფე“ კვლავ გუნდის ერთ-ერთ ლიდერად მოგვევლინა და აქტივში 28 ქულა, 9 მოხსნა და 12 შედეგიანი გადაცემა ჩაიწერა. ლოს-ანჯელესელების მხრიდან საუკეთესო კაილ კუზმა გახლდათ, რომელმაც გუნდს 33 ქულა შესძინა.
„ჰითს“ 28 ქულით ჯასტის უინსლოუმ ულიდერა. დუეინ უეიდმა თავი 15 ქულასა და 10 შედეგიან გადაცემას მოუყარა. ბემ ადებაიომ კი მორიგი ორმაგი დუბლი გაიფორმა - 12 ქულა, 10 მოხსნა.
სხვა მატჩების შედეგები
ინდიანა - ვაშინგტონი 109 – 101
ფილადელფია - დეტროიტი 116 – 102
ბოსტონი - ნიუ ორლეანი 113 – 100
ჩიკაგო - საკრამენტო 89 – 108
მილუოკი - კლივლენდი 108 – 92
ოკლაჰომა - იუტა 122 – 113
დალასი - ორლანდო 101 -76
ფინიქსი - კლიპერსი 119 – 123
გოლდენ სტეიტი - მინესოტა 116 - 108