მოურინიო: ვინ იქნება სასტარტოში? გუნდის ინტერესები პირველ ადგილზეა

„რეალის“ მთავარმა მწვრთნელმა, ჟოზე მოურინიომ შემადგენლობის დაკომპლექტებისადმი თავის მიდგომაზე ისაუბრა და „სამეფო კლუბის“ გარემარბის, ვინისიუს ჟუნიორის ფორმაზე კომენტარი გააკეთა.

- უნდა ათამაშოთ თუ არა ვინისიუსი, როცა იცით, რომ ის სრულად მზად არ არის?

„ჩემთვის ყველაზე მნიშვნელოვანი გუნდია. ჩემი საკუთარი ინიციატივით არასდროს მინდოდა გუნდისთვის ზიანი მიმეყენებინა ცალკეული მოთამაშის ინტერესების გამო. დიახ, ჩემპიონთა ლიგის ბოლო ორ მატჩში ვინისიუსი მოედანზე გამოვიდა. მაგრამ როდესაც ის ნორმალურ ფორმას დაუბრუნდება და სათამაშოდ მზად იქნება, გადაწყვეტილებებს სიტუაციის გათვალისწინებით მივიღებ.

როგორც მწვრთნელი, მე ვფიქრობ არა მხოლოდ ერთ კონკრეტულ მატჩზე, არამედ თამაშების სერიაზეც, რომელიც წინ გველოდება. „აეკ-თან“ მატჩი ვინისიუსისთვის შესაფერისი იყო.

მწვრთნელმა ყველაფერი უნდა გააკეთოს იმისთვის, რომ ფეხბურთელები ოპტიმალურ ფორმაში იყვნენ, ასევე სცადოს სხვადასხვა სათამაშო სქემა და მიდგომები ცალკეული მოთამაშეებისადმი.

ის გააგრძელებს მუშაობას, ხოლო როცა მოვა დრო იმის გადასაწყვეტად, თუ ვინ გამოვა მოედანზე, გუნდის ინტერესები უფრო მნიშვნელოვანი იქნება, ვიდრე ცალკეული მოთამაშის ინტერესები“,

- განაცხადა მოურინიომ.

პორტუგალიელი სპეციალისტის სიტყვებიდან აშკარად ჩანს, რომ უახლოეს მომავალში არაფერი შეიცვლება და დიდ მატჩებში სასტარტოდან კვლავ დიომანდე დაიწყებს, ვინი კი თადარიგში დარჩება.

ლა ლიგის მიმდინარე სეზონში ვინისიუსმა 8 მატჩი ჩაატარა, 1 გოლი გაიტანა და 3 საგოლე გადაცემა შეასრულა.