საგოლე პასი და გოლი | რატი გრიგალავას წარმატებული მატჩები ლიეტუვაში
ლიეტუვის საფეხბურთო ჩემპიონატს სუდუვა ლიდერობს, რომლის შემადგენლობაში ქართველი ცენტრალური მცველი რატი გრიგალავა თამაშობს. 20 წლის ფეხბურთელმა ბოლო ორ ტურში ორი საგოლე მოქმედება შეასრულა, ბანგასთან - საგოლე პასი, ჯიუგასთან - გოლი.
ლიეტუვის ჩემპიონატის ოფიციალურმა გვერდმა ბოლო ორ ტურში რატი სიმბოლურ გუნდში შეიყვანა.
26-ე ტურში სუდუვამ სტუმრად ბანგას სამი გოლი გაუტანა, მეორე გოლისას საგოლე პასი გრიგალავას აქტივშია, მესამე გოლისას კომბინაცია მისი გრძელი გადაცემით განვითარდა.
27-ე ტურში სუდუვამ სტუმრად ჯიუგასს მოუგო (0:2), პირველი გოლი მე-60 წუთზე რატი გრიგალავამ მარცხენა ფეხით შეაგდო.
შეგახსენებთ, საქართველოს 21-წლამდე ნაკრების მთავარმა მწვრთნელმა რამაზ სვანაძემ ივნისში რატი ახალგაზრდულ ნაკრებში პირველად გამოიძახა, მოლდოვასთან ცვლილებაზე ათამაშა და რატიმ ამ მატჩში გოლი გაიტანა.
რატის საქართველოს ყველა ასაკობრივ ნაკრებში უთამაშია და ახლა 21-წლამდე ნაკრების წევრია.
Transfermarkt-ის მონაცემებით, მისი სიმაღლე 1,88 მეტრია, რატი ორივე ფეხით თანაბრად კარგად თამაშობს, რაც თანამედროვე ფეხბურთში ძალიან მნიშვნელოვანია.
ტექნიკურია, კარგი პასი აქვს, მაღალია, საგოლე მოქმედებებით გამოირჩევა - საინტერესო კადრია არამარტო 21-წლამდე ნაკრებისთვის, არამედ პერსპექტივაში ეროვნული გუნდისთვის.
ლიეტუვის 2026 წლის ჩემპიონატის 17 მატჩში (698 წუთი) 1 გოლი გაიტანა და 1 საგოლე პასი შეასრულა.
