“ეს ტიტული გუნდისთვის მნიშვნელოვანია“ - ენრიკე ლანსთან მატჩის წინ

საფრანგეთის სუპერ თასზე პარი სენ ჟერმენი ლანსს დაუპირისპირდება. მატჩის წინ, პარიზელთა მთავარმა მწვრთნელმა ლუის ენრიკემ ჟურნალისტებთან ისაუბრა.

ენრიკე:

„დღეს ერთ-ერთ ყველაზე რთულ მატჩს ვითამაშებთ, რომლის თამაშიც საფრანგეთში შეიძლება. გვინდა, ეს ტიტული კიდევ ერთხელ მოვიგოთ. ეს კლუბისთვის მნიშვნელოვანია. ვიცით, რამდენად რთულია ამ გუნდის წინააღმდეგ თამაში. ამჟამად ფიზიკური და ტექნიკური თვალსაზრისით ჩვენს ჩვეულ ფორმაში არ ვართ, თუმცა ამ მატჩის მოგებას ვაპირებთ.

ფერან ტორესის მოსვლით ბედნიერი ვარ. ჩვენ ყოველთვის ვეძებთ შესაძლებლობებს, რომ გუნდი გავაძლიეროთ. ფერანი მსოფლიო დონის ფეხბურთელია, რომელსაც შეუძლია შეტევის ნებისმიერ პოზიციაზე თამაში. ჩვენ ძალიან მოგვწონს მისი მენტალიტეტი. მისი ტიპის ფეხბურთელის ყოლა ძალიან მნიშვნელოვანია. პრეზიდენტთან და ლუის კამპოსთან ერთად სატრანსფერო ბაზარზე მუშაობას ვაგრძელებთ და გუნდის გაუმჯობესებას ვცდილობთ.

არანაირი მომენტი სამუდამოდ არ გრძელდება. ასეთი პერიოდი, როგორშიც ახლა ვართ, ჩვეულებრივ დიდხანს არ გრძელდება. მაგრამ ჩვენ გაგრძელება გვინდა. გვყავს ახალგაზრდა გუნდი და ამბიციურები ვართ. ვეძებთ ფეხბურთელებს, რომლებსაც პარი სენ-ჟერმენში თამაში სიამოვნებთ.

გულშემატკივრებს მოსწონთ, როდესაც ჩვენი თავდამსხმელები დაცვაშიც მუშაობენ. ეს შესანიშნავი დამოკიდებულებაა. გვინდა, ეს გამოვიყენოთ და მეტოქეზე მეტი ბურთის ფლობა შევინარჩუნოთ, მაგრამ ფეხბურთში დაცვაც უნდა შეგეძლოს. თუ ორივეს გაკეთება არ შეგიძლია, ვერ მოიგებ.“

შეგახსენებთ, რომ პარი სენ ჟერმენმა რამდენიმე დღის წინ უეფა-ს სუპერ თასი მოიგო, ფინალში ასტონ ვილა ხვიჩა კვარაცხელიას და დეზირე დუეს გოლებით 2:1 დაამარცხა.

რაც შეეხება საფრანგეთის სუპერ თასს, პსჟ-სა და ლანსის დაპირისპირება, დღეს თბილისის დროით 22:45-დან დაიწყება.