გოლი დაუფასდა | ხორხელი ტურის სიმბოლურ გუნდში მოხვდა

სლოვაკურმა სპორტულმა პლატფორმა Yoyo Sport-მა ჩემპიონატის მე-3 ტურის სიმბოლურ გუნდში ლუკა ხორხელი შეიყვანა. „ტრნავას’’ 26 წლის შემტევმა „ბანსკა ბისტრიცას’’ გაუტანა, მის გოლით ანგარიში 2:0 გახდა, თამაში 3:0 დასრულდა.

ლუკა სლოვაკურ კლუბში მეორე სეზონს იწყებს, განსაკუთრებით შედეგიანი გასული სეზონის მეორე ნახევარი ჰქონდა, როცა საუკეთესო ექვსეულში 9 მატჩი ჩაატარა, 5 გოლი გაიტანა და 1 საგოლე პასი შეასრულა. რაც შეეხება მიმდინარე სეზონს, ჩემპპიონატსა და კონფერენს ლიგაზე საერთო ჯამში 5 მატჩი ჩაატარა (4 სასტარტოში) და 1 გოლი შეაგდო.

ესპანელი მთავარი მწვრთნელი ანტონიო ლოპესი ლუკას დიდ ნდობას უცხადებს, რეგულარულად ათამაშებს, რაც სტაბილურობის გაგრძელების თვალსაზრისით მნიშვნელოვანი ფაქტორია. 

ხორხელს სლოვაკურ კლუბთან კონტრაქტი 2028 წლის 30 ივნისამდე აკავშირებს.