„მათ კარგად ვიცნობთ და მზად ვიქნებით“ - რონალდუ ესპანეთზე
კრიშტიანუ რონალდუმ 2026 წლის მსოფლიო ჩემპიონატის 1/8-ფინალში ესპანეთთან მომავალ შეხვედრაზე ისაუბრა.
ტურნირის 1/16-ფინალში პორტუგალიელებმა ხორვატიის ნაკრები დაამარცხეს (2:1), ხოლო ესპანელებმა ავსტრია გაანადგურეს (3:0).
„ასეთია ფეხბურთი. ვიცით, რომ ესპანეთი მსოფლიო ჩემპიონატის მოგების ერთ-ერთი კანდიდატია. რთული თამაში იქნება, მაგრამ მზად ვიქნებით. ჩვენ მათ კარგად ვიცნობთ.
მსოფლიო ჩემპიონატები ყოველთვის რთულია. ჩვენი მიზანი წინსვლაა, მატჩიდან მატჩამდე ვივლით და ვნახავთ, რა გამოვა“,
– განაცხადა რონალდუმ.
პორტუგალია ესპანეთის 1/8-ფინალური მატჩი 6 ივლისს, არლინგტონში ტეხასის შტატში გაიმართება. AT&T Stadium-ი 95 000 გულშემატკივარს იტევს. შეხვედრა ჩვენი დროით 23:00-ზე დაიწყება.
