„მთელი სეზონი მაღალ დონეზე ჩაატარა“ | დემეტრაძემ კვარაცხელია შეაქო
საქართველოს ნაკრების ყოფილმა ფეხბურთელმა, გიორგი დემეტრაძემ, ხვიჩა კვარაცხელიაზე ისაუბრა. დემეტრაძემ „პარი სენ-ჟერმენის“ გარემარბის მისამართით საქებარი სიტყვები არ დაიშურა და განაცხადა, რომ 2025-2026 წლების სეზონში ის ფრანგული გრანდის ლიდერი იყო.
„ხვიჩას მთელი საქართველო გულშემატკივრობდა. მან ჩემპიონთა ლიგა ზედიზედ მეორედ მოიგო და მის გამო ყველა ქართველი ბედნიერი იყო. კვარაცხელია „პარი სენ-ჟერმენს“ კარგად კი არ მოერგო, ამ გუნდის გამოკვეთილი ლიდერი გახდა.
მან მთელი სეზონი მაღალ დონეზე ჩაატარა და ჩავარდნა არ ჰქონია. „პარი სენ-ჟერმენს“ ისეთი შემადგენლობა ჰყავს, შეუძლია, ტიტულებისთვის ბრძოლა მომავალშიც გააგრძელოს“.
შეგახსენებთ, რომ 2025-2026 წლების სეზონის დასრულების შემდეგ კვარაცხელია ჩემპიონთა ლიგის საუკეთესო მოთამაშედ დაასახელეს. Transfermarkt-ზე მისი საბაზრო ღირებულება 140 მილიონ ევრომდე გაიზარდა და ის მსოფლიოში მეშვიდე ყველაზე ძვირად ღირებული ფეხბურთელია.
