ჩემპიონი შეუჩერებელია - ოკლაჰომამ ლეიკერსს 4:0 მოუგო
NBA-ის დასავლეთ კონფერენციის პლეიოფის მეორე რაუნდში „ოკლაჰომა სიტი თანდერმა“ „ლოს ანჯელეს ლეიკერსს“ მეოთხე თამაშიც მოუგო და კონფერენციის ფინალში გავიდა.
პირველი მეოთხედი „ლეიკერსმა“ 5 ქულით მოიგო, თუმცა დიდ შესვენებაზე გუნდები უკვე მოქმედი ჩემპიონის 4-ქულიანი უპირატესობით გავიდნენ. მესამე მეოთხედში კვლავ „ლოს-ანჯელესი“ დაწინაურდა, მატჩის ბოლოს 110:109 იგებდა, თუმცა ოსტინ რივზის გადამწყვეტი სამქულიანი არაზუსტი გამოდგა, რის შემდეგაც „ოკლაჰომამ“ 115:110 გაიმარჯვა.
„ლეიკერსს“ 27 ქულით რივზმა ულიდერა, რუი ჰაჩიმურას 25 ქულა ჰქონდა, ლებრონ ჯეიმსმა კი ორმაგი დუბლი მიითვალა (24 ქულა, 12 მოხსნა). რაც შეეხება „ოკლაჰომას“, 35 ქულით, 1 მოხსნითა და 8 შედეგიანი გადაცემით დაასრულა მატჩი შეი გილჯეს-ალექსანდერმა, აჯაი მიტჩელს კი 28 ქულა დაუგროვდა.
დასავლეთ კონფერენციის ფინალში „ოკლაჰომა“ „მინესოტასა“ და „სან ანტონიოს“ შორის გამარჯვებულს შეხვდება.
