რეალმა შესაძლოა კამავინგა გაყიდოს

მადრიდის „რეალი“ ზაფხულში 23 წლის ნახევარმცველის, ედუარდო კამავინგას გაყიდვის შესაძლებლობას განიხილავს, თუკი კარგ შეთავაზებას მიიღებს. ამის შესახებ გამოცემა L’Equipe წერს.

ვრცელდება ინფორმაცია, რომ მადრიდული კლუბი იმედგაცრუებულია, რადგან ფეხბურთელმა საკუთარი პოტენციალის სრულად რეალიზება ვერ შეძლო.

შეგახსენებთ, რომ ფრანგი ფეხბურთელი სამეფო გუნდის ღირსებას 2021 წლიდან იცავს, მისი კონტრაქტი კი 2029 წლამდეა გათვლილი.

გეტყვით ასევე, რომ მიმდინარე სეზონში კამავინგამ 35 მატჩი ჩაატარა, 2 გოლი გაიტანა და 1 ასისტი მიითვალა.