„სწორედ ამიტომ არის საუკეთესო“ | ავსტრიაში კიტეიშვილს აქებენ
ავსტრიის საფეხბურთო ნაკრების ლეგენდამ, ანდრეას ჰერცოგმა ოთარ კიტეიშვილი შეაქო. ჰერცოგი Sky Sport Austria-სთვის, საფეხბურთო ექსპერტად მუშაობს და „აუსტრიასა“ და „შტურმის“ მატჩის შემდეგ „კიტეზე“ ისაუბრა.
„კიტეიშვილმა ჯერ ანგარიში 2:1 გახადა, შემდეგ კი 3:1 დააფიქსირა. ყველა გადამწყვეტ მომენტში, ოთარი საკუთარ ტვინსა და ფეხებს იყენებს. სწორედ ამიტომ არის ის ავსტრიის ბუნდესლიგის საუკეთესო ფეხბურთელი.“
კიტეიშვილის „შტურმმა“ „აუსტრია“ 5:2 დაამარცხა და მატჩის შემდეგ ქართველი ფეხბურთელი ტურის სიმბოლურში მოხვდა. Kicker-მა მას და ნენად ცვეტკოვიჩი საუკეთესო შეფასებები დაუწერა, ხოლო Sky Sport Austria-მ ყველაზე მაღალი ქულით შეაფასა.
ცნობისთვის, ბუნდესლიგაში საჩემპიონო ჯგუფი დაიწყო და „შტურმს“ 22 ქულა აქვს. გრაცელები მეორე და მესამე ადგილებზე მყოფ „ლასკსა“ და „რაპიდს“ 3 ქულით უსწრებს. „შტურმი“ მომდევნო შეხვედრას 20 მარტს „ზალცბურგის“ წინააღმდეგ გამართავს.
გეტყვით იმასაც, რომ მიმდინარე სეზონში კიტეიშვილს 20 შეხვედრაში 12 გოლი აქვს გატანილი. ის არამარტო „შტურმის“, არამედ მთლიანად ბუნდესლიგის საუკეთესო ბომბარდირია.
