სპაერმა გაგრას მოუგო - კიღურაძის გუნდი Crystalbet ეროვნულ ლიგაში გალიდერდა
Crystalbet ეროვნული ლიგის მორიგ ტურში ახლად აღზევებული სპაერი გაგრას ესტუმრა და 3:0 დაამარცხა.
გულშემატკივრებმა საკმაოდ მხიარული მატჩი იხილეს. მომენტებს ორივე გუნდი ქმნიდა, მაგრამ უფრო ზუსტები სტუმრები იყვნენ.
ანგარიში მე-14 წუთზე თამაზ ცეცხლაძემ გახსნა. 32-ე წუთზე გოჩა ცირდავამ სხვაობა ორამდე გაზარდა და პირველი ტაიმი 2:0 დასრულდა.
მეორე ტაიმი ნაკლებად სანახაობრივი და შედარებით უხეში გამოდგა. მატჩის არბიტრმა 6 ყვითელი ბარათი გამოიყენა. საბოლოო წერტილი, მსაჯის მიერ კომპენსირებულ დროში მატენჯვამ დასვა.
შეგახსენებთ, რომ სპაერმა 3 მატჩიდან ორში გამარჯვება იზეიმა და ამჟამად 6 ქულით Crystalbet ეროვნული ლიგის ლიდერია, თუმცა აღსანიშნავია ის ფაქტიც, რომ სხვა გუნდებზე 1 მატჩით მეტი აქვს ჩატარებული. შემდეგ ტურში, ანზორ კიღურაძის გუნდი სამგურალს უმასპინძლებს.
