ობლაკის საგოლე პასი და სორლოტის ჰეთ-თრიკი | ატლეტიკო 1/8-ფინალშია

ჩემპიონთა ლიგის პლეი-აუტის განმეორებით მატჩში მადრიდის ატლეტიკომ ბრიუგეს უმასპინძლა, 4:1 დაამარცხა და მერვედფინალში გავიდა.

გულშემატკივრებმა მხიარული დაპირისპირება იხილეს. ანგარიში 23-ე წუთზე სორლოტმა გახსნა. აღსანიშნავია, რომ ნორვეგიელმა იან ობლაკის ზუსტი და გამოზომილი პასი გამოიყენა.

36-ე წუთზე ორდონეზმა გაისროლა, წონასწორობა აღადგინა და პირველი ტაიმი ფრედ 1:1 დასრულდა.

მასპინძლებმა მეორე ნახევარი აქტიურად დაიწყეს და უკვე 48-ე წუთზე კარდოსომ ატლეტიკო დააწინაურა. 76-ე წუთზე სორლოტმა დუბლი შეასრულა და როხიბლანკოს უპირატესობა სოლიდური გახადა.

საბოლოო წერტილი კვლავ ნორვეგიელმა დასვა, რომელმაც 87-ე წუთზე ჰეთ-თრიკი მიითვალა და 4:1 დააფიქსირა. დიეგო სიმეონეს გუნდი მერვედფინალში ითამაშებს.

ცნობისთვის, როხიბლანკოს სავარაუდო მეტოქეები მერვედფინალში ლივერპული და ტოტენჰემი არიან. ყველაფერი წილისყრის შედეგად გაირკვევა.