კაშიას ზედიზედ მეორე გოლი - სლოვანმა დრამაბულ ბრძოლაში მოიგო

სლოვაკეთის ჩემპიონატის მე-16 ტურში, გურამ კაშიას „სლოვან ბრატისლავა“ საკუთარ მოედანზე „მიხალოვცეს“ დაუპირისპირდა და დრამატულ ბრძოლაში 3:2 გაიმარჯვა.

გურამ კაშია სასტარტო შემადგენლობაში იყო და ბოლომდე შეუცვლელად ითამაშა. ვეტერანმა მცველმა 68-ე წუთზე, როდესაც „სლოვანი“ 0:1 მარცხდებოდა, თავური დარტყმით ანგარიში გაათანაბრა. 62-ე წუთიდან, სტუმრები 10 კაცით დარჩნენ, თუმცა კაშიას გოლის შემდეგ, 85-ე წუთზე მაინც შეძლეს დაწინაურება. „სლოვანმა“ დარჩენილ დროში მაინც შეძლო თამაშის მოგება. მსაჯის მიერ დამატებულ მე-2 და მე-5 წუთზებზე, ტოლიჩმა ჯერ ანგარიში გაათანაბრა, შემდეგ კი გამარჯვების გოლიც გაიტანა.

რაც შეეხება გურამ კაშიას, 38 წლის მცველმა სლოვანის ზედიზედ მეორე შეხვედრაში შეძლო გოლის გატანა. ქართველმა ფეხბურთელმა ხუთშაბათს, კონფერენს ლიგის ჯგუფურ ფაზაზე ჯერ „რაიო ვალეკანოს“ გაუტანა, დღეს კი სლოვაკეთის ჩემპიონატშიც გამოიჩინა თავი.

16 ტურის შემდეგ, „სლოვანი“ სლოვაკეთის ჩემპიონატის სატურნირო ცხრილში 36 ქულით პირველ ადგილზე იმყოფება და უახლოეს მდევარ „ჟილინას“ 2 ქულით უსწრებს. გურამ კაშიას გუნდი მომდევნო შეხვედრას 3 დეკემბერს, საკუთარ მოედანზე „რუზომბეროკის“ წინააღმდეგ გამართავს.