აქტიური იყო, მაგრამ ვერ შეაგდო | სარაევოს კვლავ გულიაშვილმა უკაპიტნა
ბოსნიის ჩემპიონატის მე-16 ტურში „სარაევო’’ - „შიროკი ბრიეგი’’ 0:0 დასრულდა. „სარაევოს’’ ქართველმა კაპიტანმა გიორგი გულიაშვილმა 90 წუთი ითამაშა, გოლი შეაგდო, მაგრამ გააუქმეს. სამწუხაროდ, მისი უგოლო სერია გრძელდება, მაგრამ ისიც უნდა ითქვას, რომ მისი პასის შემდეგ თანაგუნდელს გოლის გატანის ძალიან კარგი შანსი ჰქონდა, მაგრამ ახლო მანძილიდან პირდაპირ მეკარეს გაარტყა.
საქართველოს ეროვნული ნაკრების შემტევმა მიმდინარე სეზონში ჩემპიონატსა და კონფერენს ლიგაზე საერთო ჯამში 17 მატჩი ჩაატარა, 2 გოლი გაიტანა და 5 საგოლე პასი შეასრულა. აღნიშნული 2 გოლიდან პირველი ზაფხულში კონფერენს ლიგაზე „კრაიოვას'' გაუტანა, მეორე გოლი კი ბოსნიის ჩემპიონატის მე-13 ტურში პენალტიდან შეაგდო. შედარებისთვის, გასულ სეზონში ჩემპიონატის 26 მატჩში 16 გაიტანა (2 პენალტი იყო). ამ სეზონში თამაშიდან გოლის გატანა ძალიან უჭირს.
მიმდინარე სეზონში გულიაშვილმა „სარაევოს'' რიგებში 17 მატჩი ჩაატარა და ყველა ამ მატჩში კაპიტანი იყო.
16 ტურში „სარაევომ’’ 22 ქულა დააგროვა, მე-5 ადგილზეა.
შეგახსენებთ, მიმდინარე თვეში შვედურმა გამოცემა Expressen-მა გულიაშვილი შვედურ აიკ-ს დაუკავშირა, Radio Sarajevo-ს ცნობით კი ქართველის მიმართ ინტერესს ზაგრების „დინამო'' იჩენს.
