3 კანდიდატი - ვინ შეიძლება იუვენტუსში ტუდორი ჩაანაცვლოს

„იუვენტუსი“ იგორ ტუდორის გათავისუფლების შესაძლებლობას განიხილავს.

19 ოქტომბერს, ტურინულმა კლუბმა სერია A-ს მატჩში „კომოსთან“ (0:2) წააგო. შესაბამისად, გუნდის მოუგებელი სერია 6-მდე გაიზარდა – 5 ფრე და 1 მარცხი.

როგორც La Gazzetta dello Sport-ი წერს, „იუვენტუსის“ მთავარი მწვრთნელის პოსტზე პოტენციურ კანდიდატთა სიაში არიან ლუჩანო სპალეტი, რობერტო მანჩინი და რაფაელე პალადინო.

იგორ ტუდორის მომავალზე ტურინულ გუნდში შეიძლება გავლენა მოახდინოს ორმა უახლოესმა მატჩმა – „რეალის“ წინააღმდეგ ჩემპიონთა ლიგაზე და „ლაციოს“ წინააღმდეგ სერია A-ში.

შეგახსენებთ, რომ ამჟამად „იუვენტუსი“ ჩემპიონატის ცხრილში მე-7 პოზიციას იკავებს. გუნდის ანგარიშზე 7 მატჩში 12 ქულაა.

გეტყვით ასევე, რომ 47 წლის ხორვატი სპეციალისტი „ბებერ სინიორას“ მიმდინარე წლის 23 მარტიდან წვრთნის. მისი კონტრაქტი იტალიურ კლუბთან 2027 წლის ივნისის ბოლომდეა გათვლილი.